| e-texts navigator |
| Wylie |
3b1 དང་བྲལ།། ཡིན་པའི་དོན་ཉིད་གཞིག་ཏུ་མེད།། ལྟ་བ་ཞེས་སམ་སྙིང་པོའང་མེད།། ནམ་མཁའི་མིང་ཡང་ཐོབ་པ་མེད།། དེ་ལྟར་དེ་བཞིན་དེ་ཡི་ཕྱིར།། དེ་ལ་དེ་བསྟན་དེ་ཡང་ཐོབ།། དེ་ནི་སྙིང་པོ་དེ་བས་ན།། དེ་ལས
3b2 དེ་འབྱུང་ངོ་མཚར་ཆེ།། སྔོན་གྱི་དེ་དང་ད་ལྟར་དེ།། དེ་བཞིན་དེ་ཡི་གནས་སུ་ཆེ།། དེ་ལྟར་དེ་ཡི་ལམ་འདྲ་བར།། དེ་ནི་དེ་ཡི་རང་བཞིན་ནོ།། དེ་དང་འདྲ་བ་ཡོངས་ཀྱི་ལམ།། ཟླ་བ་ལས་བྱུང་རྟེན་དང་བཅས།། ཀུན་གྱི
3b3 མཉམ་ཉིད་ཡིན་པ་ལས།། ཕྱོགས་སུ་བལྟས་པས་གྲུབ་པ་མེད།། འདི་ནི་སྨོན་པའི་ཡུལ་ལས་འདས།། བྱ་བྲལ་ལྷུན་གྲུབ་མཆོག་གི་སྐུ།། ཐ་སྙད་མི་འབྱེད་གཅིག་གི་དང་།། འཁྲུལ་པས་ཐ་སྙད་བགྲངས་རྩོལ
3b4 བ།། དམུས་ལོང་ལག་ཏུ་རྫས་བསྐུར་བ།། གང་དུ་མ་གྲུབ་མ་གསལ་ན།། ཅི་ཡང་མ་གྲུབ་དེ་བཞིན་ནོ།། དེ་ནས་བཅོམ་ལྡན་འདས་ཤིན་ཏུ་ཟབ་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི
3b5 ཆེད་དུ་བརྗོད་དོ།། ཀུན་འདུས་ཀུན་ཀློང་ཀུན་གྱི་ཡིད་བཞིན་ནོ།། རྡོ་རྗེ་འདུས་པས་བདེ་བ་ཆེན་པོའི་སྐུ།། མཉམ་སྙོམས་འདུས་མ་བྱས་པ་མཉམ་དབྱིངས་ཆེན་པོའི་མཆོག། མི་དམིགས་མི་སྐྱེ་མི་འགག་སྣང་བ
3b6 མེད།། མཆོག་གི་སྙིང་པོ་དམ་པ་ཡིན་ཏེ་སྤྲོས་དང་བྲལ།། སངས་རྒྱས་གཞན་ནས་ཐོབ་རེ་ཡེ་ནས་མེད་དོ་དེ་བཞིན་ཉིད།། དེ་བཞིན་ཉིད་ཀྱང་དབུ་མར་མི་དམིགས་བདེན་པ་གཉིས་མི་མངའ།། བདེན་གཉིས་ལྡན
iiif viewer powered by OpenSeadragon
