| e-texts navigator |
| Wylie |
3a1 འདི།། ལྷག་མ་མེད་པས་ཡོངས་སུ་རྫོགས།། འགྱུར་བ་མ་ཡིན་དྲང་པོར་གནས།། སླ་ཞིང་དཀའ་ལ་སླ་ཕྱིར་དཀའ།། མངོན་དུ་མི་གནས་ཀུན་ཏུ་ཁྱབ།། མངོན་སུམ་འདི་ཞེས་བསྟན་པར་ནི།། རྡོ་རྗེ་སེམས
3a2 དཔའ་མཚོན་དུ་མེད།། ལྷུན་གྱིས་གནས་པའི་བདེ་ཆེན་ཏེ།། ཆ་ལུགས་འབར་བྱེད་ལ་སོགས་པས།། དཔག་ཅིང་མཚོན་དུ་མེད་པའི་ཕྱིར།། རྒྱ་འདི་བསྒྲུབས་པ་ཙམ་གྱིས་ནི།། སངས་རྒྱས་དཀྱིལ་འཁོར་མཐོང་མི
3a3 འགྱུར།། ཇི་སྙེད་རྣམ་གྲངས་མ་ལུས་པ།། འཆིང་བའི་རྒྱུ་སྟེ་བྱང་ཆུབ་སྒྲིབ།། བྱང་ཆུབ་ཉིད་ལས་བྱང་ཆུབ་མེད།། དེ་བས་སངས་རྒྱས་ཆོས་ཀྱང་མེད།། དགེ་དང་སྡིག་པ་རྣམ་གྲོལ་ཞིང་།། སྤྱོད་དང་བལྟ་དང་འཇུག
3a4 སོགས་མེད།། ཚིག་གིས་ཐ་སྙད་མེད་པའི་ཕྱིར།། དབྱིབས་དང་ཡེ་ཤེས་དོན་ལས་འདས།། རང་བྱུང་ཡེ་ཤེས་བཙལ་མེད་པས།། སྣང་འདོད་སྦྱོར་བ་ལས་བྱུང་བའི།། རྩོལ་སེམས་བདེ་བ་བླ་མེད་ཀྱང་།། དེ་ནི་དེ་སྒྲིབ
3a5 སྐྱོན་ཆེན་ཡིན།། ད་ལྟའི་བདེ་དང་ཕྱི་མའི་བདེ།། མངོན་སུམ་པ་དང་རྒྱབ་ལས་བྱུང་།། དེ་ཡང་རྣམ་པའི་སྐྱོན་ཡིན་པས།། དེ་ནི་བརྟེན་པར་མི་བྱའོ།། ཨེ་མ་ཧོ་ཤིན་ཏུ་ངོ་མཚར་ཆེ།། ཚིག་གིས་མཚོན་དུ་མེད་པ
3a6 ལས།། སངས་རྒྱས་འདུ་བ་ངོ་མཚར་ཆེ།། ཐེག་པ་མཁའ་འདྲ་ལྟ་བའི་ཀློང་།། དུར་ཁྲོད་བརྡལ་བ་སྙིང་པོ་མཆོག། རྡོ་རྗེ་སེམས་དཔའ་བདེར་གནས་པས།། རྣམ་རྟོག་དུས་ལ་ལྟོས་སུ་མེད།། བགྲོད་ཅིང་སྦྱོང་བའི་ལམ
iiif viewer powered by OpenSeadragon
