| e-texts navigator |
| Wylie |
39a1 མེད།། ཆོས་སྐུ་ཀུན་ཏུ་ཁྱབ་པས་བསྟན་པའི་ཆོས་མེད་དེ།། རང་བྱུང་མི་དམིགས་ཡུལ་ལ་ཇི་བཞིན་གནས་པའི་ཕྱིར།། རྡུལ་ཕྲན་གཅིག་ལས་གཡེངས་ཤིང་ཕྱོགས་བཅུ་ཀུན་དང་བྲལ།། གོང་དུ་རྡུལ
39a2 སྩོགས་རུང་མིན་དུས་བཞི་ཉིད་ཀྱང་མེད།། ངོ་མཚར་མཐོང་བའི་ཡུལ་མེད་མཐོང་བའི་མིག། རྣམ་པའི་རྣམ་པ་མེད་པས་སྙིང་པོའི་ཡུལ་ཡང་མེད།། སྐུ་མེད་སྐུ་ཡང་ཡན་ལག་མེད་པའི་སྐུ།། མཐའ་ལ་མཚོན་དུ་མེད
39a3 ཕྱིར་དབྱིངས་ལ་བྲི་བ་མེད།། ཆོས་འདི་རོ་ལ་མཉམ་ཕག་བསྟན་པར་དཀའ་སྟེ་སྒྲ་ཡང་མེད།། རང་བཞིན་ཆེ་བའི་ཡུལ་འདི་ཀུན་ཏུ་ཇི་བཞིན་ཡུལ།། སྟོང་པའི་སྟོང་པ་ཉིད་དེ་སྟོང་པ་ཉིད་ཀྱང་མེད།། མཁའ་འདྲ་ཆོས
39a4 ཀྱི་དབྱིངས་མེད་ཡེ་ཤེས་བྲལ།། བསྒོམ་པར་བཟུང་བའི་འབྲས་བུ་དོན་དུ་བསྒྲུབ་པའི་དོན་མི་སྙེད།། དཔག་བསམ་ཤིང་ལས་ངང་གིས་ཀུན་འབྱུང་ལྟར།། ཡུལ་མཆོག་འདི་ལ་ངང་གིས་ཀུན་འཆར་བས།། དྲང་སྲོང
39a5 བསྒོམ་འདོད་རྣམས་ཀྱིས་བཙལ་མི་བྱ།། མི་གསུང་མཉམ་པར་བཞག་པ་སྔགས་ཀྱི་ཚིག། ཅི་ཡང་བཟླས་སུ་མེད་པ་བཟླས་པའི་མཆོག། གང་ཡང་དགོས་སུ་མེད་པ་བསྒོམ་པ་ཡིན།། མཆོག་གི་སྙིང་པོ་འདི་ནི་ཀུན
39a6 གྱི་ཡུལ།། བསམ་པས་འཐོབ་མེད་དེ་བཞིན་དེ་བཞིན་བཞག། དེ་ནས་རྡོ་རྗེ་འཛིན་པས། བཅོམ་ལྡན་འདས་འོད་མི་འགྱུར་བ་ལ། རྒྱུད་ཀྱི་དོན་ཇི་ལྟར་ལགས་ཞེས་གསོལ་པས། བཅོམ་ལྡན་འདས་རྒྱུད་ལ་བསྟོད
iiif viewer powered by OpenSeadragon
