| e-texts navigator |
| Wylie |
38b1 ཟད་ཟད་མཐའ་མེད་པ་དེ།། ཅིར་ཡང་སྨྲ་ཞིང་ཅིར་ཡང་སྣང་བ་ལ།། འདུལ་བ་མདོ་སྡེར་གདགས་པ་ཡེ་ནས་ནོར།། ཐེག་པའི་རིམ་པ་བྱ་བ་གཏིང་ནས་མེད།། སངས་རྒྱས་ཡབ་ཡུམ་སྲས་མེད་ཆོས་ཀྱང་མེད།། དཀོན
38b2 མཆོག་མེད་ཅིང་དབང་པོའི་སྤྱོད་ཡུལ་མིན།། གཟུགས་མེད་ཆོས་སྐུར་བཤད་པ་མེད་ཀྱང་གཏིང་།། མེ་ལོང་ཆུ་ཟླ་བཞིན་དུ་བལྟས་ཚོགས་ཀྱིས།། བཤད་པར་སྣང་ཞིང་ཐེག་པ་བསམ་མི་ཁྱབ།། ཆོས་སྐུས་བཤད་པ་སོ
38b3 སོར་ཇི་ལྟར་སྣང་།། གཞན་ཡང་བཤད་པར་ཐོབ་རེ་འཁྲུལ་པའི་ཆོས།། སངས་རྒྱས་གཞན་ནས་འཐོབ་བྱེད་ནོར་བའི་ལམ།། དཀའ་ཐུབ་སྡུག་བསྔལ་འདི་ལ་སྤྱད་མི་དགོས།། ཚོགས་བསགས་རྒྱུད་ལ་ལྟོས་པ་འཁྲུལ
38b4 པའི་ལམ།། ཡངས་སོ་ཆེས་སོ་ཆོས་ཆེན་སྙིང་པོའི་ཆོས།། ཆུང་ངུར་བགྲོད་སྦྱོར་འདོད་པའི་གཉེན་པོ་ཡིན།། ཆེའང་མི་དམིགས་ཆུང་ངུའི་ཆ་བསྙམས་ན།། ཆུ་ཆེན་དེ་རྣམས་བགྲོད་པའི་ལམ་དང་བྲལ།། གསུངས་དང
38b5 མ་གསུངས་རྒྱས་དང་དམིགས་དང་སྣང་།། ཡེ་ནས་ལྟོས་པའི་ཆོས་མིན་ལྷུན་གྱིས་རྫོགས།། འདི་ཞེས་བསྟན་དུ་གང་ཡང་འབྲེལ་པ་མེད།། བསྟན་པས་གོ་བར་བྱ་མིན་གསུང་ཚིག་མིན།། སྐྱེ་ཞིང་འཕྲོ་བའི་ཆོས་མིན
38b6 གཅིག་པུར་སྣང་།། གཅིག་པུ་དེ་ཡང་བསམ་ཡས་རྩ་བའི་རྩ།། སྙིང་པོའི་རང་བཞིན་འབྱུང་བ་ཆོས་སྐུ་གཞན་ན་མེད།། མངོན་སུམ་ཀུན་ཏུ་མི་རྟོག་ཡངས་པའི་སྙིང་པོ་ལ།། གཟུང་བའི་ཡུལ་མེད་སེམས་ཀྱི་གནས་ཀྱང
iiif viewer powered by OpenSeadragon
