| e-texts navigator |
| Wylie |
38a1 #།། བཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། ཨེ་མ་ཧོ་མཐོ་རིས་བགྲོད་པའི་རྒྱུ་དེས་བྱང་ཆུབ་ལམ་མི་རྙེད།། མི་གཡོ་རང་བཞིན་གནས་པའི་སྨན་ཆེན་མ་བྱས་ན།། དུག་གསུམ་ནད་ཀྱིས་འཚེ
38a2 བའི་གླག་ཡང་མེད།། འཁྲུལ་རྟོག་ལམ་ལ་རེ་དོགས་སྒྲིབ་པའི་རྒྱུན།། བཙལ་ནས་བྱང་ཆུབ་འདོད་པའི་གཞི།། བདེ་བའི་མཆོག་ནི་བསམ་བརྗོད་ཡུལ་དང་བྲལ།། བྱང་ཆུབ་འཁྲུལ་པ་ཡེ་རྔམ་ཆོས་ལ་ཟ།། དེ་ལྟའི་ཡུལ
38a3 ཅན་སངས་རྒྱས་མཐོང་བ་མིན།། བྱང་ཆུབ་འདོད་པ་སྐྱོན་པས་སངས་རྒྱས་མེད།། ཡང་དག་བདེ་གཤེགས་ཅིར་ཡང་མི་དམིགས་པས།། སངས་རྒྱས་སྟོན་པས་མིང་དུ་བཏགས་པས་ནོར།། ཀུན་རྫོབ་ཚིག་ཏུ་སྤྱོད་པ
38a4 རྟོག་པའི་རྒྱུན།། ནང་དང་ཕྱི་རོལ་ཆོས་རྣམས་རྙེད་པ་ཡང་།། སྟོན་པའི་ཞལ་ནས་གསུངས་ཞེས་བྱ་བའང་འགལ།། སྟོན་པས་བསྟན་པས་བྱང་ཆུབ་ལམ་མི་རྙེད།། མི་དམིགས་མི་གནས་སྐྱེ་འགག་མེད་པའི
38a5 དོན།། བརྗོད་ཅིང་བསམ་དུ་མེད་པས་གསུང་དུའང་མེད།། གལ་ཏེ་སྟོན་པས་གསུངས་པས་བྱང་ཆུབ་ལམ་རྙེད་ན།། སྟོན་པའི་སྟོན་པ་རིམ་པར་བརྒྱུད་པས་མངའ།། སངས་རྒྱས་སངས་རྒྱས་བསྐལ་པས་ཐོབ་མི
38a6 སྲིད།། རྩོལ་བའི་ནད་སྤངས་ཡེ་ནས་བྱ་བྲལ་མེད།། རྩོལ་བའི་ནད་ཀྱིས་ཟིན་པས་འཁྲུལ་པས་སྙིང་པོའི་གེགས།། ནམ་མཁའ་ལྟ་བུར་རང་བཞིན་མེད་པ་ལ།། གཟའ་སྐར་ལྟ་བུའི་ཚིག་ཚོགས་བྱུང་།། ཟད་མེད་མི
iiif viewer powered by OpenSeadragon
