| e-texts navigator |
| Wylie |
37b1 ཡུལ་མེད་པས།། བསླབ་པར་བྱ་བ་ཡོད་མ་ཡིན།། བྱང་ཆུབ་སེམས་ལ་གཏིང་དཔག་མེད།། ཇི་སྙེད་བརྗོད་པའི་ཡུལ་ལས་འདས།། མིང་དུ་གདམས་པའི་རྟེན་མེད་པས།། སྒོ་ཕུགས་མ་འཁྲུལ་དམ་པའི་མཆོག། བདེ
37b2 ཆེན་རྣམ་གཉིས་བསྒྲུབ་མི་དགོས།། ཡི་གེས་མཚོན་དུ་རྡུལ་ཙམ་མེད།། ཨེ་མ་ཧོ་སེམས་ཀྱི་སྤྱོད་ཡུལ་འདི།། བརྟག་པར་དཀའ་ལ་ཡོད་པ་མིན།། དྲང་སྲོང་རྣམས་ཀྱིས་བསམ་དུའང་མེད།། མ་བསམས་ཐིག་ལེ་སྒོ་མེད
37b3 པས།། བྱང་ཆུབ་ཡིན་ཞེས་བསམ་མི་རུང་།། ཡེ་ནས་མཉམ་གནས་སྙིང་པོའི་མཆོག། ས་ལེ་བར་ཡང་བསམ་དུ་མེད། ཁྲོན་པའི་ཆུ་ཀླུང་མི་གཡོ་ལྟར།། གཞན་གྱིས་གཡོ་མིན་ལྟ་བ་ལ།། འདི་ཞེས་ལྟ་བར་མི་བྱེད
37b4 ན།། དེས་ནི་མཆོག་གི་སྙིང་པོ་ཐོག། འཐོབ་པ་ཉིད་ཀྱང་འདོད་མི་ཞི།། ལྔ་པོ་འབར་བ་གནས་བཞག་ན།། ཡེ་ཤེས་ཐིག་ལེ་གསལ་སྙོམས་ན།། བསྐལ་པ་འབུམ་བརྒྱར་བཙལ་པ་ལས།། ཡུད་ཀྱིས་སྙིང་པོ་ཐོབ་པར
37b5 འགྱུར།། བདུད་རྩི་བྱང་ཆུབ་སེམས་ཉིད་ནི།། བསམ་མེད་མི་བསམ་བསྒོམ་དུ་མེད།། ཤེས་རབ་ཐབས་ཀྱི་ཚིག་ལྔས་འདས།། དེ་ཕྱིར་སེམས་ལ་སངས་རྒྱས་མེད།། ནང་ནས་མ་གཡོས་བཙལ་བའི་གནས་མེད
37b6 དོ།། བདེ་བ་ཆེན་པོའི་རྒྱུད་ལས། གསང་བའི་མན་ངག་བསམ་ཞིང་བསྒོམ་དུ་མེད་པའི་ལེའུ་སྟེ་ཉེར་ལྔ་པའོ།། །། དེ་ནས་བཅོམ་ལྡན་འདས་ཆོས་ཐམས་ཅད་དང་བྲལ་བའི་ཏིང་ངེ་འཛིན་ལ་སྙོམས་པར
iiif viewer powered by OpenSeadragon
