| e-texts navigator |
| Wylie |
37a1 དེ།། ཡུལ་ལས་མི་བཙལ་གཞན་ནས་བཙལ་མི་བྱ།། རང་རིག་སྙིང་པོ་རང་རིག་ཀློང་ནས་བཙལ།། རང་རིག་དེ་ཡང་ངེས་པར་གནས་བཙལ་ནས།། གནས་པ་དེ་ཡང་གྲུབ་པའི་ཚིག་ལས་འདས།། གྲུབ་པ
37a2 འདི་ཞེས་བསྟན་དུ་མེད།། བསམ་ཞིང་མི་བསམ་དེ་བཞིན་བསམ་པར་བྱ།། དེ་ནས་བཅོམ་ལྡན་འདས་ཀྱིས། མཆོག་ཏུ་གྱུར་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད
37a3 དོ།། ཡིད་ཀྱིས་འཇོག་པ་མི་འབྱུང་ན།། དེ་ནི་བླ་མེད་སྙིང་པོ་ཡིས།། བསྟན་དུ་མེད་པའི་ཆོས་ཉིད་ལ།། འདའ་བར་མི་མཛད་པ་ཡི་ཀློང་།། ཡང་དག་སྙིང་པོ་མཆོག་གི་ལམ།། ཤེས་རབ་ཐབས་ཀྱིས་གཟུང་དུ
37a4 མེད།། ཕྱག་རྒྱ་མི་འཕྲོ་སྐུ་ལས་འདས།། ཡེ་ནས་ཕྱག་རྒྱ་མི་སྣང་བས།། དེ་ལ་དགོངས་སུ་གསོལ་མོར་འདོད་པ་མིན།། མི་དགོངས་པ་ཉིད་དགོངས་པའི་མཆོག། ཉེ་བར་རྩོལ་མིན་ལས་འདས་པའི།། བྱང་ཆུབ་མེད།
37a5 འི་ཐབས་ཆེན་ནི།། བསམ་ཡས་རྒྱལ་པོ་སྟངས་དམྱལ་གཉིས།། དྲང་ཞིང་དམ་པར་མི་འགྱུར་བའི།། སུ་ཡི་སྙིང་ལ་འོད་འབར་བའི།། དེ་ལ་ཆོས་ཀྱི་སྙིང་པོ་ཡོད།། འཕགས་ལམ་མི་རིང་ལྷང་དེའི་ལམ།། འཕགས་པ
37a6 རྣམས་ཀྱི་ཁོངས་ན་གནས།། ལུང་བསྟན་མི་འབྱུང་བསྟན་དུ་མེད།། ཡང་དག་སངས་རྒྱས་དེ་དཀྱིལ་དུ།། སྤྲུལ་པ་པོ་ཡང་བཟོ་སངས་རྒྱས།། ཨེ་མ་ཧོ་ཐ་སྙད་རྡུལ་ཙམ་མེད་པས་སྒོ་སྐུར་མེད།། ཉན་ཅིང་དམིགས་བྱའི
iiif viewer powered by OpenSeadragon
