| e-texts navigator |
| Wylie |
36b1 མི་བརྟེན་མངོན་སུམ་ལྟ་བ་མེད་པས་སྤྱོད་པའི་མཆོག། དོན་དམ་ཐིག་ལེ་དབྱིངས་ཀྱི་མིང་དང་བྲལ་བས་བསྒོམ་དུ་མེད།། དྲང་སྲོང་བསྒོམ་མཁན་ཆགས་པའི་ལམ་དེ་སྤྱོད་ཅིང་ཞེན་པ་གོལ་བའི་ལམ།། དགོན་པ
36b2 དབེན་བཟུང་ཚིག་ལ་འབྱམས་ཀླས་མེད་པ་འཁྲུལ་ནད་སེལ།། སྨན་པའི་རྒྱལ་པོ་མཆོག་ཆེན་དེ་ནི་ཁྱད་པར་ལམ་ལ་མཁས།། འདི་ཡིས་ནད་སེལ་རྨོངས་དང་གཡེང་བ་ལམ་དུ་འཇུག་ཅིང་གསོ།། གསོ་མཛད་སྨན་པ
36b3 བྱང་ཆུབ་སེམས་དཔའ་བདེ་མཛད་ཁྱོད་ལ་ཕྱག་འཚལ་ལོ།། བདེ་བ་ཆེན་པོའི་རྒུད་ལས། གསང་བའི་མན་ངག་གི་སྐབས་བསམ་འདས་བརྗོད་དུ་མེད་པའི་ལེའུ་སྟེ་ཉེར་བཞི་པའོ།། །། དེ་ནས་བཅོམ་ལྡན
36b4 འདས་ཀྱིས་བསམ་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། སྐྱེ་མེད་བྱང་ཆུབ་སེམས་ནི་སྣ་ཚོགས་གཞི།། འདི་ཞེས་མཚོན་དུ་མེད་པ་སངས་རྒྱས་སྐུའོ།། གྲུབ
36b5 པའི་མཐའ་ལ་སྤྱོད་པ་མེད་པ་ལམ་གྱི་མཆོག། བསམ་པ་གང་ཡང་ཡོད་པ་མིན་དགོངས་ཏེ།། བྱང་ཆུབ་དམ་པ་སངས་རྒྱས་རང་གི་སེམས།། སྣ་ཚོགས་གློག་བཞིན་སྣང་ཡང་དེ་བཞིན་གྱི་ནར་བཞག། བསྒོམ་ཞིང
36b6 བསམས་ཏེ་བསམ་པའི་ཡུལ་ལ་གཞག། བདེ་གཤེགས་རང་རིག་རང་བྱུང་རང་ཞིར་ཞོག། གང་ཡང་མི་བྱེད་དེ་བཞིན་སྙིང་པོ་ལ།། ཅི་ཡང་མི་སེམས་དེ་བཞིན་བསམ་པར་བྱ།། བསམ་པའི་སྙིང་པོ་གང་ཡང་མེད་པ
iiif viewer powered by OpenSeadragon
