| e-texts navigator |
| Wylie |
36a1 #།། ཀྱང་སྤང་མི་བྱེད།། ཉོན་མོངས་ལྔ་དང་མཚམས་མེད་ལྔ་པོ་ཡི།། ལོ་རྒྱུད་དོན་ཉིད་ཚད་མའི་བློར་བཞག་ནས།། ཏིང་འཛིན་གསུམ་པོ་བརྟགས་ཤིང་གྲུབ་པའི་མཐའ་སྤྱོད་པ།། རྩོལ་བྲལ་ལུང་ལས་གོལ་ཏེ
36a2 འཁྲུལ་པ་ཡིན།། བྱ་བྲལ་ལྷུན་རྫོགས་བདེ་བའི་ཡུལ་ལ་གནས།། ཡེ་ཤེས་རང་བྱུང་ཆེ་བའི་སྙིང་པོ་ཉིད། མི་དམིགས་མི་གཡོ་བསྙད་པ་ཀུན་དང་བྲལ།། བྱ་བྲལ་ཟིན་པའི་ལུང་ལ་ཀུན་ཏུ་ཇི་བཞིན་གནས།། མ་སྐྱེས་མི
36a3 འགག་ནམ་མཁའ་ལྟ་བུའི་ངང་།། འདི་ཞེས་བསྟན་དུ་མེད་དེ་ཐིག་ལེ་གཅིག་གི་སྐུ།། སྤྲོ་ཞིང་བསྡུ་བ་མེད་དེ་ཐར་ལམ་དམ་པ་ཉིད།། མི་རྟོག་རྟོག་པ་མེད་དེ་ཤེས་རབ་ཐབས་བྲལ་བས།། མཐའ་མེད་དབུས་མེད་སྙིང
36a4 པོར་གདགས་པའང་མེད།། མཁའ་བཞིན་མ་བཅོས་སྨྲ་བསམ་ཡུལ་ལས་འདས།། ཚད་མའི་དོན་ཆེན་དཔེ་བྲལ་རྒྱལ་བ་ཡི།། ཡང་དག་བྱང་ཆུབ་ཀློང་དེ་འདི་ཞེས་བསྟན་པར་དཀའ།། ཀུན་ཏུ་བཟང་པོ་ངེས་པའི་བདེ
36a5 པོས།། དེ་ཉིད་དེ་བཞིན་དེ་ལྟར་བཞག་ནས་ནི།། དེ་ལ་མི་རྩོལ་བཙལ་དུ་མེད་པའི་ཕྱིར།། བདེ་གཤེགས་ཡུམ་དེ་ཀུན་གྱི་རྒྱལ་བའི་འོད།། སྐལ་ལྡན་ཡི་གེས་མི་མཚོན་ཐ་སྙད་བྲལ་བ་དེ།། རྡོ་རྗེ་སེམས་དཔའ
36a6 ཉིད་ཀྱི་སྐུ་ལས་འདས་མི་སྲིད།། ཇི་ལྟར་སྤྱད་པ་ཀུན་ཏུ་བཟང་པོའི་ངང་ཡིན་རྒྱལ་བ་ཉིད།། བསྒོམ་ཞིང་བསྒྲུབ་ཏུ་མེད་པ་རྟོག་པ་བླ་མེད་པ།། ཚིག་ལ་མི་ཆགས་རྣ་བར་ཐོས་མི་འཆང་བ་བྱང་ཆུབ་ལམ།། གང་ལའང
iiif viewer powered by OpenSeadragon
