| e-texts navigator |
| Wylie |
35a1 #།། གསུམ་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོ་ཉིད་ལ། རྡོ་རྗེ་ཆོས་རྡོ་རྗེ་འཛིན་པས་གསོལ་པ། བསམ་ཞིང་བརྗོད་དུ་མེད་པའི་དོན་བསྟན་དུ་གསོལ་ཞེས་གསོལ་བ་བཏབ་པས།
35a2 བཅོམ་ལྡན་འདས་ཀུན་ཏུ་བཟང་པོ་བསམ་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། བསམ་འདས་བརྗོད་མེད་ངང་ལ་ཕྱལ་འཚལ་ལོ།། སྟོན་པའི་སྟོན་པ་མཆོག
35a3 ལ་ཕྱག་འཚལ་ལོ།། ཀུན་གྱིས་ལམ་བསྔགས་དཔེ་མེད་ལ་ཕྱག་འཚལ་ལོ།། ཆོས་ཀྱི་སྙིང་པོར་གྱུར་པ་ཇི་བཞིན་ཉིད་ལ་ཕྱག་འཚལ་ལོ།། བྱ་བྲལ་མཁྱེན་ལྡན་ཀློང་ལ་ཕྱག་འཚལ་ལོ།། ཇི་བཞིན་ཡེ་ནས་མཁྱེན་ལྡན་སྐུ
35a4 ལ་ཕྱག་འཚལ་ལོ།། ས་ལ་རྣམ་གྲོལ་ཚུལ་ཁྲིམས་ལ་སོགས་ཀུན།། སྤྱོད་པ་མཆོག་གྱུར་བདེ་གཤེགས་རྣམས་ཀྱི་ཡུམ།། ཀུན་མཚུངས་རྣམ་གྲོལ་མཆོག་དེ་སངས་རྒྱས་ཉིད།། ཕྲ་ཞིང་ཤེས་དཀའ་ཀུན་གྱིས་ལམ་སྟེ་མི
35a5 རྟོག་རྟོག་ལས་འདས།། དེ་མེད་མི་འབྱུང་དེ་ཕྱིར་རྣམ་གྲོལ་མཆོག་གི་ལམ།། མི་དམིགས་མི་གནས་སྤྲོས་མེད་བསམ་ཀུན་དང་།། ཚིག་གིས་མི་ཕེབས་དབྱིབས་དང་ཁ་དོག་དབང་པོའི་སྤྱོད་ཡུལ་མིན།། བསྟན་ཅིང
35a6 བརྟག་པར་དཀའ་བར་བརྗོད་དུ་རྡུལ་ཙམ་མེད།། འདི་ཞེས་བསྟན་པའི་ལམ་མེད་གཅིག་མེད་དུ་མ་མེད།། ཚད་མས་གཞིགས་ནས་དོན་གྱིས་འགྲུབ་པར་བྱ་བ་ཉིད། ཁྱད་པར་གོལ་ཞིང་དེ་མིན་དེ་མིན་ལོགས་བྲལ
iiif viewer powered by OpenSeadragon
