| e-texts navigator |
| Wylie |
34a1 ཉིད་སངས་རྒྱས་སངས་རྒྱས་པས།། ཇི་བཞིན་པ་དེ་དེ་བཞིན་དེ་བཞིན་བློ།། བརྟན་ཞིང་མི་འགྱུར་དམ་ཚིག་ཆེན་པོ་ཡིན།། ཡེ་ནས་ཡངས་པའི་སྙིང་པོ་སྒྲོན་མ་འབར།། ངོ་མཚར་རྨད་བྱུང་རོལ་པ་ཆེན་པོ
34a2 འདི།། བྱ་བྲལ་ནམ་མཁའ་ཇི་བཞིན་ཡེ་ནས་ཡིན།། ཅི་ཡང་མི་དམིགས་གཏི་མུག་ངང་ཉིད་ལས།། རང་རིག་ཡེ་ཤེས་འབར་བ་དེ་མ་ཐུགས།། ཇི་བཞིན་པ་དེས་སེམས་ནི་མཚུངས་པའི་ལམ།། འགྲོ་བ་ཀུན་གྱི་རང
34a3 བཞིན་དེ་བཞིན་ཉིད།། མི་ཤེས་བསླད་པས་འཁྲུལ་པའི་ཕྱིར།། སྨན་ཉིད་སྨན་པ་ཚོགས་པ་ཇི་བཞིན་ཏེ།། རང་རིག་ཡེ་ཤེས་མི་འགྱུར་བདེ་བ་ཡི།། ཕྱི་ནང་གཉིས་ན་མི་གནས་ཇི་བཞིན་ཉིད།། འདི་ཞེས་བསྟན་པ
34a4 དཀའ་བས་བར་ནའང་མེད།། བདེ་བ་ཆེན་པོའི་རྒྱུད་ལས། གསང་བའི་མན་ངག་ཇི་བཞིན་པའི་ལེའུ་སྟེ་ཉེར་གཉིས་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོས་དབང་བསྐུར་བའི་ཏིང་ངེ་འཛིན
34a5 ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། ཡེ་ཤེས་དབང་རྫོགས་རང་བཞིན་རྒྱལ་པོ་ཉིད།། དབང་བྱེད་འཁོར་ལོ་མཉམ་གནས་ཆགས་མེད་གཞི།། རང་རིག་རྣམ་གསལ་ཡེ་ཤེས་དབང
34a6 བསྒྱུར་དང་།། དེ་བཞིན་ཉིད་ལ་རང་རིག་དེ་བཞིན་གནས།། དེ་བཞིན་ཉིད་དེ་བསམ་ཡས་འདུ་འཕྲོ་ཉིད།། སྐུ་ཡི་སྐུ་སྟེ་སྣ་ཚོགས་དབང་བསྐུར་སྐུ།། སྲིད་གསུམ་དབང་བསྒྱུར་རང་རིག་རྒྱལ་པོ་དེས།། རང་གི་སྙིང་པོ
iiif viewer powered by OpenSeadragon
