| e-texts navigator |
| Wylie |
33a1 དོ།། ཨེ་མ་ཧོ་སྣ་ཚོགས་ཀུན་ཏུ་ངོ་བོ་ཉིད།། གདོད་ནས་མ་སྐྱེས་རྣམ་དག་བྱང་ཆུབ་སེམས།། རང་བཞིན་དབྱེར་མེད་གདོད་ནས་མ་ཕྱེད་ཅིང་།། ཡེ་ནས་མཉམ་པས་རྒྱལ་བ་རྒྱ་མཚོ་ཡིན།། དུས་གསུམ
33a2 སྲིད་གསུམ་མཉམ་པའི་སྙིང་པོ་ཉིད།། ཡེ་ནས་ཀུན་བཟང་ཤེས་རབ་མཆོག་གི་དབྱིངས།། དབྱེ་བསལ་མེད་ཕྱིར་བཟང་ངན་བླང་དོར་མེད།། བདག་དང་གཞན་དུ་མེད་བྱེད་སྙིང་པོ་ཡེ་ཤེས་ཉིད།། སྙིང་པོ་མ་མཐོང
33a3 ཤེས་རབ་མ་སྦྱངས་པས།། གཞན་དུ་ཚོལ་ཞིང་རྨོངས་པའི་སེམས་ཅན་གྱིས།། བསྟན་ཀྱང་མ་ཐོས་མཚོན་ཀྱང་མ་མཐོང་བ།། བདག་ཉིད་གཞན་དུ་ཚོལ་བས་སངས་མི་རྒྱ།། དེ་དང་མ་བྲལ་སྟོན་པ་མི་མཐོང
33a4 ཞིང་།། ལམ་དུ་འདོད་པས་ལམ་ལ་བགྲོད་འགྱུར་བ།། བགྲོད་པས་འདོད་སར་ཕྱིན་པར་མི་ནུས་ཏེ།། དོན་ཉིད་སྦག་མ་ལུས་ཀྱང་མི་མཐོང་བ།། ཤེས་ཤིང་བསྒྲུབ་རྒྱུ་ཅི་ཡིན་གང་གིས་ཤེས།། བྱ་བྱེད་ལས་འཕགས་ཀྱི
33a5 ནར་འདུག་བྱེད་པ།། གང་ཞིག་བློ་ལ་སྤྱོད་པ་བྱང་ཆུབ་སྤྱོད་པར་འགྱུར།། རྟོག་དཔྱོད་བློ་ཡི་མཚན་མ་མ་སྤངས་པར།། དྲན་མེད་མི་སྤོང་འཁོར་རྒྱུ་མི་འབྱེད་དོ།། དངས་སྙིགས་མི་འབྱེད་མངོན་སུམ་སངས་རྒྱས
33a6 ལ།། འདི་ཞེས་དོན་ལ་མཚོན་དུ་མེད་པའི་ཕྱིར།། བློ་ཡི་རིག་པས་དོན་ལ་སུ་སྦྱོང་བ།། ནམ་མཁའི་སྤྲིན་ལ་མངོན་གཟུགས་སྤྱོད་པ་ཡིན།། ནམ་མཁའ་མེད་པར་གང་གིས་ཤེས་པ་ན།། སྤྲིན་ཞིག་འབྱུང་ཞིང་ཁེབས
iiif viewer powered by OpenSeadragon
