| e-texts navigator |
| Wylie |
32a1 གནས་མི་གནས།། རྩ་བ་མིན་ཏེ་ལྟུང་བའི་རྒྱུ།། ས་ཡང་བགྲང་དང་འཇུག་ཕྱག་འཚལ།། བསྐྱེད་དང་བསླབ་དང་མཆོད་པ་རྣམས།། ངང་གིས་དག་པས་དང་གནས་པ།། དཀའ་ཐུབ་དཀའ་བ་སྤྱད་མི
32a2 དགོས།། ས་དང་རྩོལ་བས་བཙལ་མི་དགོས།། འདི་ནི་ཡེ་ཤེས་བླ་མེད་པ།། བགྲང་ཞིང་འཇུག་ཆགས་བྱ་མི་དགོས།། འདི་ནི་བྱ་མེད་བྱ་ལས་འདས།། བསྐྱེད་དང་བསྒྲུབ་པ་བྱ་མི་དགོས།། འདི་ནི་མི་སྐྱེ་བདེ་བའི
32a3 ཀློང་།། མཆོད་པ་རྒྱལ་བ་མཆོད་དུ་མེད།། འདི་ནི་རྒྱལ་མཆོག་རྫོགས་པའི་སྒྲ།། ཡི་གེས་མཚོན་པར་བྱ་མི་དགོས།། འདི་ནི་རང་བཞིན་གསལ་བའི་འོད།། བསྟོད་དང་བཀུར་དང་བཀུར་མི་དགོས།། འདི་ནི་ཕུང་པོའི
32a4 དབྱིབས་ལས་འདས།། ཡེ་ཤེས་ལྔ་ཡི་འོད་དང་བྲལ།། འདི་ནི་ཁ་དོག་དབྱིབས་མ་ཡིན།། འདི་ལ་ལྟ་བས་བལྟ་རུ་མེད།། ལྟ་བ་ཉིད་ཀྱི་ཚིག་ལས་འདས།། འདི་ལ་རྒྱུ་དང་འབྲས་བུ་མེད།། གང་ཡང་འབྱེད་པ་མེད་པའི
32a5 མཆོག། འདི་ནི་འདུས་པ་ཞེས་བྱ་སྟེ།། རྒྱ་མཚོའི་ཀློང་བཞིན་ཐམས་ཅད་འདུས།། གང་ཡང་དངོས་ཡོད་མ་ཡིན་ཏེ།། དངོས་མེད་དེ་ཉིད་སྣ་ཚོགས་སྣང་།། སྣང་བ་ཉིད་ན་གང་ཡང་མིན།། ཐེག་པ་སྣ་ཚོགས་ཀུན་སྤྱོད
32a6 ཀྱང་།། དངོས་མེད་དེ་ཉིད་ཡང་དག་ཉིད།། དཔའ་བོས་མི་ཚུགས་འབྲས་བུའི་མཆོག། རྡོ་རྗེ་སེམས་དཔའ་ཉིད་ཀྱི་ཚུལ།། ད་ལྟའི་བདེ་བ་ཕྱི་མའི་བདེ།། མངོན་སུམ་པ་དང་རྒྱབ་ནས་བྱུང་།། དེ་ཡང་རྣམ་པའི་སྐྱོན་ཡིན
iiif viewer powered by OpenSeadragon
