| e-texts navigator |
| Wylie |
31b1 མཐོང་བ་མེད།། ཡེ་ནས་མཉམ་རྫོགས་སྙིང་པོ་ལ།། བསྒྲུབ་དང་བསྲུང་བར་བྱ་བ་མེད།། བསྒྲལ་དང་མ་བསྒྲལ་གཉིས་མེད་ཅིང་།། དགེ་དང་མི་དགེའི་བསམ་ལས་འདས།། རྒྱུ་དང་འབྲས་བུ་དབྱེར་མེད་དེ།། ཉོན
31b2 མོངས་ལྔ་པོ་སྤངས་བྱས་ནས།། ཐར་པ་བྱང་ཆུབ་བསྒྲུབ་ཏུ་མེད།། ཡེ་ནས་དེ་བཞིན་ཉིད་ཀྱི་ཀློང་།། དཀའ་ཐུབ་བགྲོད་སྐྱོང་འབད་རྩོལ་གྱིས།། ཡང་དག་སངས་རྒྱས་ལམ་མི་རྙེད།། སྡོམ་པས་རྩ་བ་བྱང་ཆུབ
31b3 རིང་།། དགེ་རྩས་སྡུག་བསྔལ་སྐྱེ་བཞིར་འགྱུར།། ངན་སོང་དུ་ཡང་སྐྱེ་བར་བྱེད།། སྨད་འཚོང་མ་དང་སྦྱར་བྱས་ཤིང་།། སེམས་ཅན་ཀུན་གྱི་སྲོག་བཅད་ན།། ཀུན་ཏུ་བཟང་པོའི་ས་ཉིད་དུ།། འབྱོལ་ཉོག་སྤྱོད་ཅིང་ཤིན
31b4 ཏུ་བདེ།། བདེ་བ་ཆེན་པོའི་རྒྱུད་ལས། མན་ངག་ཐམས་ཅད་མ་ལུས་ཀུན་རྫོགས་པའི་ལྷུན་གྱིས་གནས་པའི་ལེའུ་སྟེ་ཉི་ཤུ་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོས་ལྟ་བ་སྣ་ཚོགས་པ་བལྟར
31b5 མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། ཕྱི་དང་ནང་མེད་ཡེ་ཤེས་ཆེན་པོའི་མཁའ།། ཀུན་ལ་ཀུན་ཉིད་དཔལ་གྱི་སྐུ།། རང་གཞིན་དཀྱིལ་འཁོར་ཡང་དག
31b6 ཉིད།། དེ་བཞིན་མཉམ་རྫོགས་ལྷུན་གྲུབ་ཀྱིས།། ཡུལ་དང་རིག་པ་གཉིས་མེད་པར།། སྔ་ཕྱི་མེད་དབྱིངས་དེ་བཞིན་ཉིད།། རྡོ་རྗེ་སེམས་དཔའ་འདྲ་བ་ཡང་།། ལྟ་བར་སྣང་བས་འབྲས་བུ་མིན།། འདུས་དང་མི་འདུས
iiif viewer powered by OpenSeadragon
