| e-texts navigator |
| Wylie |
31a1 པ་ཉིད།། མཉམ་པ་ཆེན་པོའི་ཀློང་དུ་གནས།། འདུ་ཤེས་འདུ་བྱེད་སྣ་ཚོགས་པས།། མི་གཡོ་རང་བྱུང་ཐིག་ལེར་བསྟན།། དེ་དང་ང་དང་བདག་མེད་ཅིང་།། རྐྱེན་གྱི་རྡུལ་གྱིས་མི་འགོ་སྟེ།། རང་བཞིན་རྣམས
31a2 པར་དག་པས་ན།། ཐམས་ཅད་བདེ་གཤེགས་སྙིང་པོ་ཉིད།། གང་དུ་འགྲོ་ཞིང་གང་དུ་སྐྱེ།། འཇིག་རྟེན་སྐྱེ་བའི་དངོས་པོ་མེད། ཁྱུང་ཆེན་མཁའ་ལ་འཕྱོ་བ་དེ།། རྒྱ་མཚོར་གནས་པའི་ཀླུ་རྣམས་ཀྱིས།། ལུས་ཉིད་མ
31a3 རུངས་འཇིག་པ་ལྟར།། རྡོ་རྗེ་ཐེག་མཆོག་བླ་མེད་པ།། བྱ་བྲལ་མ་མཉམ་ཐམས་ཅད་སྡུད།། རྣམ་རྟོག་ཞིག་པས་ས་རྣམས་འཇོམས།། ཐེག་པ་མ་ལུས་ལྟོ་བར་ཟ།། བསམ་དང་བྲལ་བའི་དབྱིངས་ཉིད་དེ།། འདི་ཞེས
31a4 དཔག་ཏུ་མེད་པའི་ཕྱིར།། ཡི་གེའི་རྒྱུད་མེད་བསྒོམ་དུ་མེད།། བྱ་བྲལ་ནམ་མཁའ་ཇི་བཞིན་དུ།། མི་བཙལ་མི་བསྒྲུབ་མི་གཡེང་བར།། བསྒོམ་ཚུལ་ཟད་བྱད་སྤྱོད་ཚུལ་གཞོམ།། རང་རིག་སྙིང་པོ་མི་གཡོ་བར།། རྙེད།
31a5 པའི་ལམ་དུ་སུ་འདོད་པ།། གླང་པོ་ཞོན་ནས་རྗེས་གཅོད་ཚུལ།། མཉམ་དབྱིངས་དག་པ་ལྡན་པ་ལ།། བོར་ནས་སངས་རྒྱས་ཚོལ་བར་བྱེད།། ཨེ་མ་ཧོ་སངས་རྒྱས་སྤྱོད་ཡུལ་འདི།། བཙལ་བས་རྙེད་པའི་གནས་མེད
31a6 དེ།། དྲུག་གི་ཆོས་བཞིན་ཡུལ་མེད་པས།། ལོང་བས་ནམ་མཁའ་བསྟབས་པ་བཞིན།། གོང་ནས་གོང་དུ་ཚངས་པའི་མི།། བྱ་བྲལ་ཆོས་དང་མཐུན་པ་མིན།། ཅི་སྟེ་ལམ་ལ་བགྲོད་འགྱུར་ན།། ནམ་མཁའི་མཐའ་བཞིན
iiif viewer powered by OpenSeadragon
