| e-texts navigator |
| Wylie |
30b1 བཀོད་གཟུགས་ཚོགས་སྟོན་པ་བཞིན།། རྫོགས་མཆོག་བྱ་བྲལ་སྙིང་པོ་ལས།། མ་བཀོད་སྐུ་རྣམས་རྣམ་པར་གསལ།། བདག་དང་གཞན་དུ་མ་བརྟགས་ན།། ཡངས་པའི་དཀྱིལ་འཁོར་རྣམ་པར་ལྡན།། ཐམས་ཅད
30b2 འབྱུང་བའི་དབྱིངས་ཡིན་ཏེ།། སྣ་ཚོགས་གློག་བཞིན་རྣམ་པར་གསལ།། གསལ་བ་ཉིད་ན་འཇའ་ཚོན་བཞིན།། རང་བཞིན་མེད་པར་ཀུན་ཏུ་བཟང་།། དེ་ཉིད་ཆོས་སྐུ་ཡིན་པར་བཤད།། ཀུན་གྱི་སྐུ་དེ་རིགས་མཐའ
30b3 ཡས།། སྦས་པས་དུར་ཁྲོད་བརྒྱད་ཞི་ཞིང་།། དངོས་པོ་མེད་པས་དངོས་པོའི་སྒྲ།། སྣ་ཚོགས་རྣམ་པར་ཞི་ཞིང་སྟོང་།། སེམས་ལ་སྣ་ཚོགས་ཆོས་རྫོགས་སོ།། ཆོས་ཀྱི་ཕུང་པོ་ཁམས་རྫོགས་ཏེ།། ནམ་མཁའ་མི་དམིགས
30b4 མཐའ་ཡས་ལ།། ཉི་ཟླ་གཟའ་སྐར་ཀུན་རྫོགས་ནས།། མཁའ་དབྱིངས་དག་པར་རྫོགས་པ་ལྟར།། ཕུང་པོ་ཁམས་ཉིད་ཆོས་ཡིན་ཏེ།། ཆོས་ཀྱི་དཀྱིལ་འཁོར་ཆོས་ལ་རྫོགས།། འདི་ཞེས་མཚོན་དུ་མེད་པ་ལ།། མཚོན
30b5 པར་བྱེད་པ་རྣམ་རྟོག་སྟེ།། ཇི་སྙེད་རྣམ་རྟོག་མ་ཟད་པར།། སངས་རྒྱས་བྱང་ཆུབ་ལམ་མི་རྙེད།། འབྱུང་བའི་ཚུལ་དུ་ལྡན་པ་ཡི།། རྟོག་མེད་མཉམ་ཉིད་ཆོས་ཀྱི་སྐུ།། བཟང་བས་མི་ཟིན་ཆུ་ཟླ་འདྲ།། ཀུན་ཏུ་བཟང་པོ
30b6 རོལ་པ་ཡིས།། ཨཱ་ལི་ཀཱ་ལི་ཟབ་ཏུ་བསྟན།། ཇི་ལྟར་རྟོག་པ་འཇུག་པ་ཉིད།། མི་རྗེས་སྤྲེ་འུས་གནོན་ཚུལ་དུ།། བྱ་བྱེད་མང་པོས་བདག་མེད་པར།། རང་རིག་སྟོབས་ཀྱིས་དབང་བསྒྱུར་ནས།། མཚན་མའི་རྣམ་པར་རྟོག།
iiif viewer powered by OpenSeadragon
