| e-texts navigator |
| Wylie |
30a1 ལེའུ་སྟེ་བཅུ་དགུ་པའོ།། །། དེ་ནས་བཅོམ་ལྡན་འདས་ལྷུན་གྱིས་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། ངན་སོང་མ་ལུས་ཐམས་ཅད
30a2 ཀུན། ཁམས་དང་དབང་པོ་དག་བཞིན་དུ།། རྐྱེན་གྱིས་བསླད་པས་གཡོ་བར་འགྱུར།། གཟུགས་ལ་སོགས་རྣམས་བདག་ལ་རྟོགས།། དེ་ནི་ཚངས་གནས་རིམ་པ་སྐྱེས།། མཉམ་དང་གཟུགས་རྣམས་མ་རྟོགས
30a3 ནས།། མིང་བཞི་མེད་པར་མ་ཤེས་ཏེ།། སྐྱེ་མཆེད་བཞི་ལས་གནས་གྱུར་པས།། སྲིད་པའི་རྩེ་མོའི་གནས་སུ་སྐྱེ།། དེ་བཞིན་སྐྱེ་སོགས་བསམ་མི་ཁྱབ།། སུས་ཀྱང་མ་བྱས་རང་བཞིན་གནས།། ངང་གིས་གསལ་བའི
30a4 དཀྱིལ་འཁོར་ལ།། ཅིས་ཀྱང་མི་བཅོས་མི་བསླད་དེ།། གཉིས་སུ་མེད་པར་རྟོགས་འགྱུར་ན།། སུ་ཡིས་བཅོས་ཤིང་སུ་ཡིས་རྟོགས།། ཀུན་དང་ཐུན་མོང་མ་ཡིན་པའི།། འདི་ལྟར་སྣང་བའི་ཆོས་ཀུན་དང་།། ཕྱོགས་བཅུ
30a5 དུས་བཞིའི་སངས་རྒྱས་ཀུན།། བདག་ལས་གུད་ན་གཅིག་ཀྱང་མེད།། ཐེག་པའི་མཐོ་དམན་ཀུན་གྱི་གཟུངས།། སངས་རྒྱས་བྱང་ཆུབ་སེམས་དཔའི་མ།། འབྱུང་བའི་ཚུལ་དུ་ལྡན་པའི་སྐུ།། གཟུང་འཛིན་གཉིས་མེད
30a6 མཉམ་པའི་ཀློང་།། ཐམས་ཅད་མཉམ་པའི་ངང་གྱུར་པས།། ཕྱི་ནང་དཀྱིལ་འཁོར་ཐམས་ཅད་དང་།། སྒྲ་དང་དངོས་པོ་ཇི་སྙེད་པ།། ཐམས་ཅད་ཚོགས་ཀྱི་སྙིང་པོར་རྫོགས།། དཔེར་ན་གར་མཁན་ལག་པ་ལས།། མ
iiif viewer powered by OpenSeadragon
