| e-texts navigator |
| Wylie |
2b1 ངེས་པའི།། ཆུབ་པར་གནས་པས་བཅོམ་ལྡན་འདས།། འགྲོ་བ་ཀུན་ལ་རང་བཞིན་གནས།། ཕྱིན་ཅི་ལོག་ཏུ་རྣམ་བརྟགས་ཀྱང་།། གྲོལ་བ་རང་བྱུང་གཞན་ལ་མིན།། བཙལ་དུ་མེད་པའི་སྙིང་པོ་འདི།། མེད་པ་མ་ཡིན
2b2 རྡོ་རྗེའི་སྙིང་པོ་ཅན།། ཡོད་པ་མ་ཡིན་མེད་པའི་སྙིང་པོ་ཡོད།། འགྲོ་བའི་སྡུག་བསྔལ་བྱང་ཆུབ་སེམས།། ཀུན་ཏུ་ཆུབ་པས་རྣམ་པར་རོལ།། དེ་ལ་བསྐྱོད་པ་མེད་བཞིན་དུ།། ནམ་མཁའི་མཐའ་ལྟར་མཉམ་པར
2b3 གནས།། དེ་ནས་བཅོམ་ལྡན་འདས་རྡོ་རྗེ་སྙིང་པོས། ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ།། གླིང་བྲལ་འདི་ལ་གང་གནས་པ།། རྡོ་རྗེ་སྙིང་པོ་སྲ་བའི་མཆོག། རྡོ་རྗེ་ཡེ་ཤེས་དཀྱིལ
2b4 འཁོར་ལྡན།། བདག་དང་གཞན་དོན་མི་འབྱེད་པས།། སྒྱུ་མ་ལྷུན་གྲུབ་ཡུལ་ལ་རོལ།། ཆོས་སྐུ་ཀུན་ཏུ་ཁྱབ་པའི་ཕྱིར།། སངས་རྒྱས་ཀུན་དང་མཉམ་གྱུར་པའི།། གང་ཡང་དབྱེར་མེད་དཀྱིལ་འཁོར་འདི།། རྣམ་པ་ཀུན
2b5 ལྡན་མཆོག་གི་སྐུ།། བདེ་བ་ཆེན་པོའི་རྒྱུད་ལས་གསང་བའི་མན་ངག། གླེང་གཞིའི་ལེའུ་སྟེ་དང་པོའོ།། །། དེ་ནས་ཡང་བཅོམ་ལྡ་འདས་ཡེ་ནས་གྲོལ་བའི་ཏིང་ངེ་འཛིན་ལ་སྙོམས་པར་ཞུགས་ནས།། ཆེད་དུ
2b6 བརྗོད་པ་འདི་བརྗོད་དོ།། གདོད་ནས་རྣམ་པར་གྲོལ་བའི་ལམ།། བདེན་པ་ཉིད་ཀྱི་དཀྱིལ་འཁོར་ལ།། མཐོང་ཐོས་རེག་དང་དྲན་པ་ཡིས།། སྡིག་པ་ཀུན་ལས་རྣམ་པར་གྲོལ།། སངས་རྒྱས་དངོས་གྲུབ་སྙིང་པོ
iiif viewer powered by OpenSeadragon
