| e-texts navigator |
| Wylie |
29b1 པའི་མཆོད་པ་ནི།། མཆོད་པ་ཆེན་པོ་ཞེས་བྱ་བས།། མཆོད་པ་ཆེན་པོས་མཆོད་ལ་སོགས།། གཟུགས་བརྙན་དཀྱིལ་འཁོར་གྲུབ་ཚད་ཀྱང་།། འབྱོར་ལྡན་ཏིང་འཛིན་ཡོད་པས་བྱ།། ས་ལ་སོགས་པའི་ཆོ་ག་དང་།། ཐིག
29b2 གདབ་ཚོན་གྱི་རིམ་པ་རྣམས།། དཀྱིལ་འཁོར་ལ་སོགས་ཆེན་པོའི་ཚུལ།། དབང་བསྐུར་ཡང་དག་དཀྱིལ་འཁོར་ནས།། བསོད་ནམས་དཀྱིལ་འཁོར་སྤྱན་དྲངས་ཏེ།། དཀྱིལ་འཁོར་ཆེན་པོར་དང་པོ་ནི།། བླ་མའི
29b3 སེམས་བཅུག་དེ་ནས་ནི།། སློབ་མ་གཞུག་ཅིང་དབང་བསྐུར་བ།། ནུས་ཚད་གང་འདོད་ཉམས་དང་སྦྱར།། དེ་བཞིན་དཀྱིལ་འཁོར་ཆེན་པོ་ནི།། དབང་ཆེན་པོར་ནི་བསྐུར་བར་བྱ།། མཁས་ལྡན་དཀྱིལ་འཁོར་གང
29b4 འདོད་པས།། དཀྱིལ་འཁོར་གཅིག་གམ་གསུམ་མམ་ལྔ།། དགུ་དང་བཅུ་གསུམ་ལ་སོགས་པ།། དབུས་སུ་རིགས་ཀྱི་སྐུ་བསམ་ཞིང་།། སེམས་དཔའ་སེམས་མ་དེ་བཞིན་དགོད།། ཡང་ན་ཡིད་ལ་འཐད་འཐད
29b5 དགོད།། ཡང་ན་ཡབ་ཡུམ་བཅས་པ་དགོད།། ཡང་ན་གང་བསྒོམ་གང་འཐད་པའི།། ལྟེ་རྩིབས་དཀྱིལ་འཁོར་ཆེན་པོའི་ཚུལ། ཁྲོ་བོས་སྒོ་བསྲུང་བྱ་བར་གསུངས། ཁྲོ་མོའི་དཀྱིལ་འཁོར་ཆེན་པོ་ཡང་།། དེ་བཞིན་དུ་ནི
29b6 བྱ་བར་གསུངས།། སྣ་ཚོགས་སྣང་བ་ཐམས་ཅད་ཀྱང་།། སྣང་བའི་དཀྱིལ་འཁོར་རང་བཞིན་མེད།། དེ་ཉིད་ཤེས་རབ་ཡིན་པར་བཤད།། བདེ་བ་ཆེན་པོའི་རྒྱུད་ལས། གསང་བའི་མན་ངག་གི་དཀྱིལ་འཁོར་ཆེན་པོའི
iiif viewer powered by OpenSeadragon
