| e-texts navigator |
| Wylie |
28a1 ལས་ཕྱུང་བས། འཇིག་རྟེན་གྱི་ཁམས་ཐམས་ཅད་དུ་དཀྱིལ་འཁོར་དུ་གྲགས་སོ།། དཀྱིལ་འཁོར་ཆེན་པོ་དེ་དག་ཐམས་ཅད་ཀྱང་། ཡེ་ཤེས་ཀྱི་དཀྱིལ་འཁོར་དང་ལྡན་པར་བྱ་བའི་ཕྱིར། ཡེ་ཤེས་ལྔ་པོའི
28a2 སྙིང་པོ་འདི་ཡང་ཐིམ་པར་བྱས་པའོ།། ཨོཾ་ཏ་ཐཱ་ག་ཏོ་ཛྙཱ་ན་མ་ཧཱ་སྭ་བྷཱ་ཝ་ཨཱཏྨ་ཀོ&ཧཾ། ཨོཾ་བཛྲ་མ་ཧཱ་ཛྙཱ་ན་སྭ་བྷཱ་ཝ་ཨཱཏྨ་ཀོ&ཧཾ། ཨོཾ་རཏྣ་མ་ཧཱ་ཛྙཱ་ན་སིདྡྷི་བཛྲ་སྭ་བྷ་ཝ་ཨཱཏྨ་ཀོ&ཧཾ། ཨོཾ་པདྨ་མ་ཧཱ་ཛྙཱ་ན་ཨ་ནུ་རཀྟོ་བཛྲ་སྭ
28a3 བྷ་ཝ་ཨཱཏྨ་ཀོ&ཧཾ། ཨོཾ་མ་ཧཱ་ཤཱུ་ནྱ་ཏ་ཛྙཱ་ན་ཀརྨ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཡེ་ཤེས་ལྔའི་སྙིང་པོ་སྐུ་གསུང་ཐུགས་ལས་ཕྱུང་སྟེ་བརྗོད་པས། འོད་གསལ་ཞིང་རབ་ཏུ་ཐིམ་པར་གྱུར་ཏོ།། སྙིང་པོའི་སྒྲ་ཡི་ཐམས་ཅད
28a4 ཀུན།། དཀྱིལ་འཁོར་འབར་བ་ཆེན་པོ་གསལ།། དཀྱིལ་འཁོར་དཀྱིལ་འཁོར་ལས་བྱུང་བ།། དཀྱིལ་འཁོར་དཀྱིལ་འཁོར་དཀྱིལ་འཁོར་ལྡན།། གསུང་གི་དཀྱིལ་འཁོར་འདི་ཉིད་དུ།། སྣ་ཚོགས་འབར་བའི་དཀྱིལ
28a5 འཁོར་རྫོགས།། གསལ་ཉིད་གསུང་གི་རྡོ་རྗེའི་སྐུ།། བྱ་བྲལ་ལྔ་གཉིས་བཅུ་པོ་ལ།། རིགས་ཀྱི་སྙིང་པོ་ཏིལ་འབྲུ་ཙམ།། ཉི་ཟླ་ཉུང་འབྲུ་ཙམ་བསམས་པའི།། སྟེང་དུ་བཀོད་དེ་སྦྱར་བྱས་ཏེ།། སྙིང་པོ་བརྗོད་བྱས་ག
28a6 བསྐོར་ཞིང་།། གུང་གཡས་ཧཱུཾ་བཀོད་གུང་གཡོན་མུཾ།། གཉིས་སྦྱར་གཞན་བརྟུལ་བརྡབ་ཚུལ་གྱིས།། གཉིས་མེད་འཁྲིལ་ཅིང་དཀྱིལ་འཁོར་སྤྲོ།། མཛུབ་གཡས་ཨོཾ་འབར་གཡོན་རྩེ་ལཾ།། ཧཱུཾ་མུཾ་ལ་སོགས་བརྟུལ་བྱས
iiif viewer powered by OpenSeadragon
