| e-texts navigator |
| Wylie |
26a1 །། བཞིན་གཤེགས་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཡི་གེ་བཞི་བཅུ་རྩ་གཉིས་པོ་འདི་ཕྱུང་ངོ་།། ཨེ་ཀ་ཁ་ག་གྷ་ང་། ཙ་ཚ་ཛ་དྷ་ཉ། ཊ་ཐ་ཌ་ཌྷ་ཎ། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧཀྵ།
26a2 ཨི་ཨཱི། ཨ་ཨཱུ། ཨེ་ཨཻ། ཨོ་ཨོ། ཛཿཧཱུཾ་བ་ཧོཿཞེས་པ་དེ་ཕྱུང་བས། འཇིག་རྟེན་གྱི་ཁམས་ཐམས་ཅད་སྐུའི་དཀྱིལ་འཁོར་གྱི་རྒྱུར་ལངས་སོ།། ཕྱོགས་བཅུ་དང་དུས་བཞི་གཡོས་སོ།། སྟོང་གསུམ་དང་། སྟོང་གཅིག
26a3 དང་། སྟོང་གཉིས་དང་། འབྱུང་བ་ལྔ་གཡོས་སོ།། རབ་ཏུ་གཡོས་སོ།། ཀུན་ཏུ་གཡོས་སོ།། དེ་ནས་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་ཆེད་དུ་བརྗོད་དོ།། དཀྱིལ་འཁོར་ཆེན་པོ་རང་ལ་གནས།། རང་གི
26a4 ཕུང་པོ་ལྔ་པོ་ནི།། རྫོགས་པའི་སངས་རྒྱས་ལྔ་ཡིན་ལ།། རྣམ་ཤེས་སྐྱེ་མཆེད་ཁམས་རྣམས་ཀུན།། བྱང་ཆུབ་སེམས་དཔའ་སེམས་མ་ཡིན།། མ་བསླད་དཀྱིལ་འཁོར་ངོ་བོ་ཉིད།། ས་ཆུ་སྤྱན་དང་མཱ་མ་ཀི།། མེ་རླུང་གོས
26a5 དཀར་སྒྲོལ་མ་སྟེ།། ནམ་མཁའི་ཁམས་ཀྱི་ཤེས་རབ་ཡུམ།། ཕྱོགས་བཅུའི་སྟོང་ཁམས་ཡེ་ནས་དབེན།། རང་བྱུང་སྲིད་པའི་དཀྱིལ་འཁོར་ཆེ། ཁྲོ་བོ་ཡབ་ཡུམ་སྒོ་མ་བཞི།། དཀྱིལ་འཁོར་ཆེན་པོ་འབར་བའི
26a6 འོད།། ཕྱོགས་བཅུ་རྒྱ་ཡོངས་མ་ཆད་པའོ།། འོག་མིན་གྱི་གནས་ཆེན་པོ་མཐའ་དང་དབུས་མེད་པ་དེ་ནི། གཞི་དཔག་ཏུ་མེད་པའི་ཡེ་ཤེས་ཀྱི་འཁོར་ལོས་རབ་ཏུ་འོད་གསལ་བ་ཚད་མེད་པས། གྲུ་བཞིར་གྱུར་པ་སྒོ
iiif viewer powered by OpenSeadragon
