| e-texts navigator |
| Wylie |
25a1 #།། ལམ་གྱིས་བཅོས་སུ་མེད།། དེ་ནས་རྡོ་རྗེ་འཛིན་པས་གསོལ་པ།། ལྟ་བ་དམ་ཚིག་དབྱེ་བ་དང་།། ལྟ་བའི་མཆོག་ནི་ཇི་ལྟར་ལགས།། དམ་ཚིག་མཆོག་ཀྱང་ཇི་ལྟར་ལགས།། ཞེས་གསོལ་པས། དེ་ནས
25a2 བཅོམ་ལྡན་འདས་ཀུན་ཏུ་བཟང་པོས། ལྟ་བ་དང་དམ་ཚིག་དབྱེ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། གཏི་མུག་འདོད་ཆགས་ཞེ་སྡང་དང་།། ང་རྒྱལ་ཕྲག་དོག་ཆེན
25a3 པོ་ལྔ།། སྤངས་ནས་མྱ་ངན་འདས་མི་གནས།། མ་སྤངས་པ་ཉིད་བྱང་ཆུབ་ལམ།། བདུད་རྩི་རྣམ་ལྔར་རྟག་ཏུ་སྤྱད།། ཡོན་ཏན་ཇི་བཞིན་རྫས་ཀྱི་མཆོག། བླ་མེད་འགྲུབ་པའི་རྒྱུ་ཡིན་པས།། གཙང་སྨེ་མེད་པར་བཟའ
25a4 བར་བྱ།། སངས་རྒྱས་ནོར་བུ་འགྲུབ་པར་འགྱུར།། རང་གི་ལྟ་བ་དམ་ཚིག་ཡིན།། ལྟ་བ་གུད་ན་ཡོད་མིན་ཏེ།། དམ་ཚིག་ཉིད་ནི་ལྟ་བར་གསུངས།། དེ་ཕྱིར་ལྟ་བ་དམ་ཚིག་གཉིས།། ཟུངས་སུ་གྱུར་པའི་མ་ནོར
25a5 ལམ།། དམ་ཚིག་སྦྱོར་བའི་མཆོག་ཡིན་ཏེ།། སྒྲོལ་བ་ལྟ་བའི་མཆོག་ཏུ་གསུངས།། སྦྱོར་བ་ཉིད་ན་སྒྲོལ་བ་སྟེ།། སྒྲོལ་བ་ཉིད་ན་སྦྱོར་བ་ཡིན།། སྦྱོར་སྒྲོལ་ལྟ་བ་དམ་ཚིག་བཞི།། ངན་སོང་གནས་རྣམས་སྟོངས་པར
25a6 བྱེད།། བླ་མེད་ཞིང་ལ་རབ་ཏུ་སྦྱོར།། ཚ་བ་རྣམས་ལ་བསིལ་བའི་སྨན།། གྲང་བ་རྣམས་ལ་དྲོ་བའི་སྨན།། བསིལ་དྲོད་འཇམ་རྩུབ་ཆ་སྙོམས་པ།། རྟོགས་པའི་ལྟ་བ་དེ་ལྟར་སྟོན།། སངས་རྒྱས་ཞིང་ཁམས་རབ
iiif viewer powered by OpenSeadragon
