| e-texts navigator |
| Wylie |
255b1 འགགས་པ།། ཀུན་བཟང་ཡུམ་གྱི་ཀློང་དུ་ཤར།། ཤར་བ་མེད་པའི་ཡེ་ཤེས་ལྔ།། ནུབ་པ་མེད་པའི་དབྱིངས་སུ་གསལ།། གསལ་བ་མེད་པའི་རིག་པ་ནི།། སྒྲིབ་གཡོགས་མེད་པའི་ཀློང་དུ་གསལ།། རྟག་པ་མ་ཡིན་ངོ
255b2 བོ་རང་སར་སྟོང་།། ཆད་པ་མ་ཡིན་ཡེ་ཤེས་ནང་དུ་གསལ།། གཉིས་ཀ་མ་ཡིན་གཉིས་མཐའ་ཟད།། དེས་ནི་ཆོས་སྐུའི་གནས་ལུགས་བཞུགས་ཚུལ་གཏན་ལ་ཕབ་པའི་ལེའུ་སྟེ་གཉིས་པའོ།། །། ས་མ་ཡ།
255b3 ཨ.་སམ།། ཡང་གཅིག་ཀུན་ཏུ་བཟང་མོ་ལ། ཁྲོ་གཉེར་མ་ཡིས་ཡང་གསོལ་པ།། ཆོས་སྐུའི་གནས་ལུགས་དེ་ལྟར་ན། ཀུན་གཞི་གཏན་ལ་ཕབ་པ་ལོངས་སྐུའི་གནས་ལུགས་གསུང་དུ་གསོལ།། ཞུས་པའི་ལན་དུ
255b4 བཀའ་སྩལ་པ།། ཉོན་ཅིག་སྣང་བ་ཁྲོ་གཉེར་མ།། ཐུགས་རྗེ་ཞི་བའི་ངང་ལས་མ་གཡོས་ཀྱང་།། སྣང་བ་འདུལ་ཕྱིར་ཁྲོ་མོར་ཤར།། ཡེ་ཤེས་ལྔ་ཡི་གཉེར་མས་བརྒྱན། ཁྱོད་ནི་ང་ཡི་གསལ་སྣང་སྐུ།། ལེགས་པར་ཡང
255b5 དག་ཡིད་ལ་ཟུང་།། སྟོང་པའི་ཡུལ་ལ་གསལ་བའི་མདངས།། ཡེ་ཤེས་ལྔ་ཡི་མུ་ཁྱུད་ལྡན།། རང་བཞིན་བབས་ཀྱིས་སྣང་བའི་ཞིང་།། ལྷུན་གྲུབ་གདལ་བ་ཆེན་པོའི་དབྱིངས།། སྣ་ཚོགས་མ་འདྲེས་ཡོངས་རྫོགས
255b6 ཤིང་།། འཐུག་པོ་བཀོད་པའི་གནས་ཉིད་དུ།། ཤར་མཐོ་ལྷོ་གཞོལ་ནུབ་འབུར་བ།། བྱང་དམའ་དབུས་སྤུངས་ལྷུན་འཐུག་པ།། དབུས་སུ་བསྡུས་ནས་མཐའ་རུ་ཡལ་བ་ལྟར།། མཐའ་རུ་བསྡུས་ནས་དབུས་སུ་ཡལ།།
iiif viewer powered by OpenSeadragon
