| e-texts navigator |
| Wylie |
24b1 ཡིས།། ལམ་ལྔ་སྣང་བ་རྣམ་རྟོག་ཡིན།། རྟོག་དང་མི་རྟོག་གཉི་ག་མེད།། གཉིས་མེད་དེ་ཉིད་ཡང་དག་ལམ།། ཐེག་པ་བསམ་ཡས་མ་ལུས་པ།། དེ་བཞིན་ཉིད་ཀྱིས་མ་བརྗོད་ཀྱང་།། རྣམ་པར་རྟོག་པ་མཐའ་ཡས
24b2 པས།། བློ་ཡི་རིག་པའང་དེ་བཞིན་ཏེ།། སོ་སོར་འཚམས་པར་ཀུན་ལ་གསལ།། བླ་མེད་རྡོ་རྗེ་ཐེག་མཆོག་ཉིད།། ཐམས་ཅད་རྩ་བ་ཡིན་པའི་ཕྱིར།། རྒྱ་མཚོའི་ཀློང་དུ་ཆུ་འབབ་བཞིན།། རྒྱ་མཚོའི་ཆུ་ཡི་ངོ་བོ་ཉིད།། མ
24b3 བསྡུས་རང་བཞིན་འདུས་བཞིན་ནོ།། ངོ་བོ་ཉིད་འདི་ཐེག་པའི་མཆོག། རྒྱ་མཚོ་པདྨ་རིན་པོ་ཆེ།། རྡོ་རྗེའམ་པར་མ་སྐུ་ཉིད་དེ།། ཇི་བཞིན་ཉིད་ལས་མ་གཡོས་པར།། སྲིད་གསུམ་འགྲོ་བ་བསམ་ཡས་སུ།། ཉི་མ་ཤར
24b4 བའི་འོད་བཞིན་དུ།། བདེ་གཤེགས་ཞིང་རྣམས་དག་བྱེད་པའི།། ཐེག་པའི་རྣམ་གྲངས་བསམ་མི་ཁྱབ།། ཐུགས་རྗེས་ཞིང་དུ་བྱས་པ་རྣམས།། དོན་དུ་མི་འགྱུར་ཡོངས་མ་གསུངས།། དོན་དང་མཐུན་པས་བསྟན་པ
24b5 ཀུན།། རང་བྱུང་དབྱིངས་སུ་རྟོགས་པར་འདུས།། དྲི་མེད་དག་པའི་བློ་ཅན་གྱིས།། སྐལ་བར་ལྡན་པའི་རྣལ་འབྱོར་པས།། ཏིང་ངེ་འཛིན་གྱིས་བསྐྱེད་དུ་མེད།། ཤེས་རབ་གསུམ་གྱིས་དཔྱད་དུ་མེད།། ལྟ་བས་དཔྱད་དེ
24b6 བསྒོམ་དུ་མེད།། དཀྱིལ་འཁོར་དཀྱིལ་འཁོར་བསྒོམ་དུ་མེད།། སྤྱོད་ཡུལ་ཐམས་ཅད་ཡེ་ནས་དག། ཐམས་ཅད་མཉམ་པའི་དཀྱིལ་འཁོར་ལ།། རང་བྱུང་ཡེ་ཤེས་འཕྱོ་བ་ཡི།། ཐམས་ཅད་གཉིས་སུ་མེད་པ་ལ།། དེ་ལ
iiif viewer powered by OpenSeadragon
