| e-texts navigator |
| Wylie |
24a1 མིན་མེད་མིན་མི་དམིགས་ཏེ།། རང་བྱུང་ཡེ་ཤེས་སྐལ་ཆེན་པོ།། རང་བཞིན་མེད་དེ་ཡང་དག་ཉིད།། སུས་ཀྱང་མ་བྱས་རང་བྱུང་སྟེ།། ཐམས་ཅད་དབྱིངས་སུ་རོ་གཅིག་པས།། ཐམས་ཅད་དབྱེར་མེད་བྱང
24a2 ཆུབ་ལམ།། མཉམ་པའི་དབྱིངས་སུ་ཐམས་ཅད་སྐྱེས།། སྐྱེས་པ་ཉིད་ན་སྐྱེ་བ་མེད།། ལས་དང་ལས་ཀྱི་བག་ཆགས་མེད།། བསོད་ནམས་ཐམས་ཅད་དག་ཡིན་པས།། ཅིས་ཀྱང་མ་གོས་ཐམས་ཅད་འཇོམས།། མི་འགྱུ།
24a3 ར་གཡུང་དྲུང་རྫོགས་ཆེན་སྐུ།། སྐྱེ་ཤི་མེད་པའི་ས་ཡང་ཡིན།། ཆོས་ཀྱི་དབྱིངས་དང་སེམས་ཅན་ནི།། གཉིས་མེད་དེ་བཞིན་ཉིད་དུ་གཅིག། རྣམ་པར་བྱང་དང་ཉོན་མོངས་གཉིས།། སོ་སོ་མ་ཡིན་གཅིག་གི་ངང་།། སྐྱེ
24a4 མེད་ངང་དུ་ཟག་ཆོད་པས།། ཉོན་མོངས་གཉེན་པོས་བཅོས་སུ་མེད།། གདོས་པ་ཅན་གྱི་ཆོས་མིན་པས།། ཇི་བཞིན་དེ་བཞིན་གནས་པ་ཡིན།། ང་མེད་བདག་མེད་རྒྱལ་བའི་མཆོག། ཀུན་རྫོབ་རྒྱུ་འབྲས་རྣམ་པར
24a5 དག། ཉོན་མོངས་པ་ཉིད་བྱང་ཆུབ་སྟེ།། ཐམས་ཅད་མ་ལུས་བདེ་གནས་སོ།། དེ་ནས་ཡང་བཅོམ་ལྡན་འདས་ཀུན་ཏུ་བཟང་པོས་ངོ་བོ་ཉིད་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད
24a6 པ་འདི་ཆེད་དུ་བརྗོད་དོ།། དབྱིངས་དང་ཤེས་རབ་ཐ་སྙད་གཅིག། ཡེ་ཤེས་འབྱུང་འཇུག་སེམས་ཡིན་པས།། ཏིང་འཛིན་རྣམ་གསུམ་བསྒོམ་བྱས་ཏེ།། ཉོན་མོངས་ལས་ལྔ་སྒོ་བཀག་ནས།། རང་རིག་རྣམ་རྟོག་སད་པ
iiif viewer powered by OpenSeadragon
