| e-texts navigator |
| Wylie |
23b1 ཤིང་།། ཚོགས་ཆེན་གཉིས་དང་རྫོགས་པར་རོལ།། ཡེ་ཤེས་སྣང་བའི་དཀྱིལ་འཁོར་ཉིད།། སྣང་དང་མི་སྣང་གཉིས་ཀ་མིན།། ཡོད་དང་མེད་པ་དབྱེར་མེད་དེ།། རང་བཞིན་ཡེ་ནས་དག་པ་ཡིས།། མ་བྱུང་མི་སྐྱེའི་སྙིང
23b2 པོ་འདི།། མ་བཅོས་མ་བྱས་ངང་གིས་གསལ།། བདེ་དང་སྡུག་བསྔལ་རྒྱུ་མཐུན་ཞིང་།། བདག་ལ་བདག་ནི་དབང་བསྒྱུར་བས།། ཞིག་དང་བཤིག་པར་བྱ་བ་མིན།། ཅིས་ཀྱང་མི་ཚུགས་རྡོ་རྗེའི་བདག། ཆོས་རྣམས་མ
23b3 ལུས་སངས་རྒྱས་པས།། བྱང་ཆུབ་སྙིང་པོ་ཐམས་ཅད་འདུས།། ཕྱི་ནང་མ་ལུས་ཐམས་ཅད་ཀུན།། བྱང་ཆུབ་སྙིང་པོའི་སྐུ་རུ་བལྟ།། མཆོག་གི་ནང་དུ་གནས་པ་དེ།། ངན་སོང་ཡེ་སྦྱངས་བྱང་ཆུབ་ས།། རང་བཞིན་མེད
23b4 ལས་ཅིར་ཡང་སྣང་།། ཡི་གེའི་ཚིག་དང་སྒྲ་ལངས་པའི།། བརྗོད་མེད་ངང་དུ་གནས་པ་འདི།། སྒྲ་དང་ཚིག་ལ་མེ་གནས་ཤིང་།། ཐུགས་ཏེ་ཐུགས་ལ་མི་གནས་པས།། ཅིས་ཀྱང་སྒྲིབ་ཏུ་ཡོད་པ་མིན།། བདེ་བ་ཆེན་པོའི
23b5 རྒྱུད་ལས། གསང་བའི་མན་ངག་གི་སྙིང་པོ་ལ། སྐྱོན་གྱིས་བགོར་མེད་པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོས་ལྟ་བ་མཐའ་ཡས་པའི་ཏིང་ངེ་འཛིན་ལ་སྙོམས
23b6 པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། སྒྱུ་མའི་དཀྱིལ་འཁོར་འདི་ཉིད་ཀྱི།། འཇིག་རྟེན་འདི་ན་ཅི་ཡོད་པའི།། མིང་དང་ཐ་སྙད་འཛིན་པ་རྣམས།། མཚན་ཉིད་སོ་སོར་གཞིག་བྱས་ནས།། ཡོད
iiif viewer powered by OpenSeadragon
