| e-texts navigator |
| Wylie |
23a1 བརྒྱུད་ཀྱང་།། ཡང་དག་སྙིང་པོ་དོན་ཆེན་ནི།། གང་ནས་བཙལ་ཀྱང་མ་རྙེད་དེ།། མཉམ་ཡིན་ཀུན་མཚུངས་ཐར་པའི་ལམ།། སྒྲོ་སྐུར་སྐྱོན་གྱིས་མི་གོས་པས།། རང་རིག་སྒྲིབ་མེད་དག་པ་ཡི།། བསྙེན
23a2 བསྒྲུབ་དམ་པ་སེམས་ཡིན་ཏེ།། བདེ་གཤེགས་མ་ནོར་ལམ་ཡིན་པས།། དེ་བཞིན་ཉིད་ཀྱི་དབྱིངས་ཉིད་དེ།། སངས་རྒྱས་སྒྲོ་སྐུར་མེད་པར་གསུངས།། གསང་མཆོག་དོན་གྱི་སྙིང་པོ་ཉིད།། བདེ་བ་ཐུགས་ཀྱི་དཀྱིལ
23a3 འཁོར་ཏེ།། སྤྱོད་ཡུལ་ཀུན་ལ་དབང་བསྒྱུར་བའོ།། ཡིད་བཞིན་རིན་ཆེན་དཔག་བསམ་ཤིང་།། རང་སེམས་བརྟན་པ་མཆོག་གི་སྙིང་།། རྟོག་གེའི་སྤྱོད་ཡུལ་མ་ཡིན་ཏེ།། ཟབ་ཅིང་རྒྱ་ཆེ་ཡངས་པ་ཡི།། ཐམས་ཅད་ནམ
23a4 མཁའི་མཚན་ཉིད་དེ།། ཤེས་རབ་དབྱིངས་གཉིས་འབྱོར་པའི་ཕྱིར།། དབྱིངས་ལ་དབྱིངས་ནི་རྣམ་པར་སྦྱོར།། གཞི་རྩ་མེད་པའི་དབྱིངས་ཉིད་དེ།། ཕོ་མོ་མ་ནིང་མ་ཡིན་ཞིང་། ཁ་དོག་དབྱིབས་ཉིད་མ་ཡིན
23a5 པས།། ཡོན་ཏན་མཆོག་གི་གནས་ཡིན་ཏེ།། དེ་ཡིས་མ་བསྐྱེད་མེད་པའི་ཕྱིར།། ཕྱོགས་བཅུ་མ་ལུས་ཐམས་ཅད་ཀྱིས།། སྐྱེས་བུ་སངས་རྒྱས་ཀུན་གྱིས་ནི།། དེ་ལ་བསད་ཅིང་གཟུང་དུ་མེད།། སྐྱེ་འགག་མེད་པའི
23a6 དཀྱིལ་འཁོར་ཉིད།། འཇིག་རྟེན་འདས་དང་འཇིག་རྟེན་པའི།། ངོ་བོའམ་འབྲས་བུ་ཡིན་པས་ན།། རྒྱུ་འབྲས་མེད་པའི་དཀྱིལ་འཁོར་ཏེ།། སྐྱེ་འཇིག་མེད་པའི་དབྱིངས་ཉིད་ལ།། མི་འགྱུར་གཡུང་དྲུང་སྐུ་བཞུགས
iiif viewer powered by OpenSeadragon
