| e-texts navigator |
| Wylie |
22b1 རང་བཞིན་གནས།། ཅི་ཡང་དབྱེ་བ་མེད་པའི་ཕྱིར།། སྦྱོར་བ་ཐམས་ཅད་བདེ་བའི་མཆོག། གསང་བའི་མན་ངག་བདེ་བ་ཆེན་པོའི་རྒྱུད་ལས་སྦྱོར་བ་དམ་ཚིག་གི་ལེའུ་སྟེ་བཅུ་དྲུག་པའོ།། །། དེ་ནས་བཅོམ
22b2 ལྡན་འདས་ཀུན་ཏུ་བཟང་པོས་ཇི་ལྟར་སྤྱད་ཀྱང་སྐྱོན་གྱིས་མི་གོས་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། འགྲོ་བའི་སྡུག་བསྔལ་བྱང་ཆུབ་སེམས།། དེ་ལ་བསྐྱོད་པ
22b3 མེད་བཞིན་དུ།། ནམ་མཁའི་མཐའ་བཞིན་མཉམ་པར་གནས། ཁྱད་པར་ཅི་ཡང་མཚུངས་པ་ལ།། ལས་སོ་ཞེས་ནི་རྣམ་པར་བརྟགས།། ཅི་སྟེ་ལས་ཀྱི་དབང་འགྱུར་ན།། རང་བྱུང་ཡེ་ཤེས་ཡོད་མ་ཡིན།། རྒྱུ་ཉིད་རྡོ་རྗེ
22b4 རྐྱེན་དང་འདྲ།། མ་སྐྱེས་པས་ནི་འཇིག་པ་མེད།། གདོད་ནས་སྙིང་པོ་བྱང་ཆུབ་ལ།། བཙལ་བའི་བསམ་པས་དབྱིངས་མི་བསྐྱོད།། ཡེ་ཤེས་དཀྱིལ་འཁོར་དཀྱིལ་འཁོར་ཉིད།། བསམ་ཡས་དཀྱིལ་འཁོར་ཇི་སྙེད
22b5 པ།། དཀྱིལ་འཁོར་དཀྱིལ་འཁོར་ལས་བྱུང་སྟེ།། དཀྱིལ་འཁོར་ལྡན་པའི་སྙིང་པོ་ལ།། སངས་རྒྱས་དཀྱིལ་འཁོར་ཐམས་ཅད་གནས།། འདི་ནི་སངས་རྒྱས་ཐམས་ཅད་ཀྱི།། སྙིང་པོ་བརྟག་མི་སྒྲིབ་པ་ཡི། ཁམས
22b6 གསུམ་རྫོགས་བྱེད་དཀྱིལ་འཁོར་རོ།། ཐབས་མཆོག་ཐབས་ལས་བྱུང་བ་ཡི།། བྱང་ཆུབ་རྡོ་རྗེ་དབང་བསྒྱུར་ཉིད།། དེ་བཞིན་ཉིད་ཀྱི་དབྱིངས་ཉིད་དེ།། ཇི་སྙེད་བསམ་པ་མཐའ་ཡས་པས།། རྣམ་རྟོག་ཐེག་པའི་ཁ
iiif viewer powered by OpenSeadragon
