| e-texts navigator |
| Wylie |
22a1 ཡུད་ཀྱིས་ཀུན་སྦྱར་ཏེ།། བུད་མེད་དཀར་མོ་རིགས་བཟང་མོ།། ལྷ་མོ་ཀླུ་མོ་ལ་སོགས་དང་།། ཐེ་ཚོམ་མེད་པར་སྦྱར་བྱ་བ།། རྟ་དང་བ་གླང་མ་ཧེ་དང་། ཁྱི་དང་ཕག་རྒོད་དུམ་དམ་ཐ་ལ་སེ་སོགས།། གང་ན
22a2 གང་དེ་ཀླུ་མོ་ཡིན།། ལྷ་མོ་ལ་སོགས་བླང་དོར་ཅན།། མོ་ཚོགས་མི་སྦྱར་གང་ཡང་མེད།། རྡོ་དང་ཤིང་སོགས་པ་ལའང་།། བསྒྲུབ་པ་ཆེ་ལ་ཞུགས་ཚེ་ན།། དཀྱིལ་འཁོར་བདག་པོར་སྦྱར་བར་བྱ།། རྣམ་པར་རྟོག་པ
22a3 གསལ་བ་དང་།། བླང་དོར་མེད་པར་སྦྱར་བའི་ཕྱིར།། རང་རིག་སྣང་བ་རྣལ་འབྱོར་ཆེ།། ཐེ་ཚོམ་མེད་པའི་སེམས་ཀྱིས་ནི།། དམ་ཚིག་ཏུ་ནི་མ་སྲིད་སྦྱར།། རྣམ་པར་རྟོག་པ་ཕྱག་རྒྱས་བསྡམས།། བརྗིད་པས་དཔལ
22a4 དགྱེས་ལྷན་ཅིག་སྦྱར།། རྣལ་འབྱོར་ཆེན་པོ་སྦྱོར་མཁན་དེས།། བདེ་ལྡན་ཞིང་ནི་འཁོར་ལོ་བསྐོར།། སངས་རྒྱས་བྱང་ཆུབ་བླ་མེད་ལམ།། མི་འགྱུར་ཐོབ་པ་སྨོས་ཅི་དགོས།། དྲི་མེད་དག་པ་ལྟ་བ་ཡིས།། སྦྱར
22a5 བ་ཐམས་ཅད་བདེ་གཤེགས་ཤུལ།། མཁའ་འགྲོ་ཟླ་གསང་ཐིག་ལེའི་སྐུ།། སེམས་དཔའ་སངས་རྒྱས་ཀུན་གྱི་དངོས།། ས་གསུམ་ས་རྣམས་ཀུན་ལ་ཡང་།། བགྲོད་པས་རྫོགས་པར་མ་གྱུར་ལ།། བུས་པ་རྟོག་གིས་སྦྱོར
22a6 མི་ཤེས།། སྦྱོར་བས་ཤེས་རབ་བླ་མེད་པས།། དེ་ཉིད་ཡིན་ཏེ་ཐེ་ཚོམ་མེད།། དུས་གསུམ་གཅིག་སྟེ་ཁྱད་པར་མེད།། སྔོན་མེད་ཕྱིས་མེད་གདོད་ནས་བྱུང་།། ཆོས་སྐུས་ཁྱབ་པས་གཅིག་པའི་ཕྱིར།། ཆེས་པ་ཆེན་པོའི
iiif viewer powered by OpenSeadragon
