| e-texts navigator |
| Wylie |
19b1 སྦྱར་བས།། བསྒྲལ་བ་མ་ཡིན་བདེ་བའི་མཆོག། མི་རྟོག་ཡེ་ཤེས་དཀྱིལ་འཁོར་དུ།། སྙིང་རྗེས་གཟུང་དུ་མེད་རྟོགས་ན། ཁམས་གསུམ་མ་ལུས་ཀུན་བསྒྲལ་ཀྱང་།། རྡོ་རྗེ་སེམས་དཔའ་ཉིད་ཀྱི་སྐུ།། ཐམས་ཅད་ཡེ
19b2 ནས་མཉམ་ཡིན་ཏེ།། རྟོག་པ་ལས་བྱུང་སེམས་ཅན་ལས།། སེམས་ཅན་སངས་རྒྱས་ཡོངས་ཀྱིས་མེད།། རྟ་ཤ་ཁྱི་ཤ་བ་གླང་ཤ། ལང་ཚོ་སྟོབས་ལྡན་སུ་ཟ་བ།། རྒྱལ་བ་རིགས་ལྔར་སྐྱེ་བར་ངེས།། སྲོག་ཅེས་བྱ་བ་ནམ
19b3 མཁའ་སྟེ།། ནམ་མཁའ་ལ་ནི་ནམ་མཁའ་ཉིད།། ཡེ་ནས་རོལ་པར་སུ་མཁས་པ།། སྐྱེས་བུ་དཔའ་བོ་ཐབས་ཆེན་དེས།། སྙིང་རྗེས་བཟུང་བ་གང་ཡང་མེད།། བསྐལ་པའི་མེ་ཡིས་ནམ་མཁའ་བསྲེགས།། སྲིད་པའི་ཆུ
19b4 ཡིས་རྒྱ་མཚོས་བཀྲུས།། ཡེ་ཤེས་ལ་ནི་ཡེ་ཤེས་རོལ།། ཡེ་ཤེས་རོལ་པ་ཉིད་ཀྱང་གསོག། མཁའ་ལ་གཞའ་ཐིམ་ཚུལ་དུ་ནི།། སྲོག་ཉིད་ནམ་མཁའ་ནམ་མཁར་ཐིམ།། སྲོག་དང་ནམ་མཁའ་གཅིག་པའི་ཕྱིར།། སྙིང
19b5 རྗེས་བཟུང་བའི་སེམས་ཅན་མེད།། སེམས་ཅན་དམ་པར་དབྱེ་བར་ནི།། རྡོ་རྗེ་སེམས་དཔས་མེད་པར་གསུངས།། སྐྱེས་བུ་ཐབས་ལ་མཁས་པ་ཡིས།། ཉན་ཐོས་བསད་པ་དོན་གྱི་མཆོག། དགེ་སློང་དཀྲུགས་པས་བྱང
19b6 ཆུབ་ཞིང་།། ཉན་ཐོས་མཆོག་ཆེན་ཡིན་པར་ནི།། བཅོམ་ལྡན་འདས་ཀྱིས་མཆོག་ཏུ་གསུངས།། ཤེས་རབ་བླ་མེད་ས་འདོད་ཅིང་།། བྱང་ཆུབ་ས་ལ་སྙོམས་འཇུག་ན།། མཆོག་དེ་བསྒྲལ་བ་བདེ་བའི་ལམ།། ཐར་ལམ
iiif viewer powered by OpenSeadragon
