| e-texts navigator |
| Wylie |
19a1 པོ་ཆེ་བརྒྱན་གདན་བཅུ་ལ།། སེམས་དཔའ་ཆེན་པོ་ཡབ་ཡུམ་བཅུ།། སེམས་དཔའ་གཡས་ལ་སེམས་མ་གཡོན།། ཡིག་འབྲུ་སྔགས་ཀྱི་རབ་བཀོད་དེ།། བརྗོད་པས་སྐུར་གྱུར་འོད་འབར་དང་།། དངོས་པོ
19a2 སྔོན་དུ་ཉི་ཟླ་ཡི།། སྟེང་ན་གན་རྒྱལ་གནས་པ་ཡིས།། སྙིང་གར་ཟླ་བའི་སྟེང་ཉིད་དུ།། སྒྲིབ་པ་རྣམ་སེལ་སྐུ་བསམས་ཏེ།། སྙིང་པོ་བརྗོད་དེ་ཐལ་སྦྱར་བས།། སྦྱོར་བའི་མཚམས་ནས་དགྱེས་སྤྲིན་འཕྲོ།། སྒྲིབ་པ་རྣམ
19a3 སེལ་སྐུ་ཉིད་ཀྱི།། དབུ་ལ་རིགས་ལྔ་ཡབ་ཡུམ་གྱི།། བཅུ་ཡི་དཀྱིལ་འཁོར་འོད་འབར་བས།། ལག་པའི་འདུ་བྱེད་བསྐྱོད་ཙམ་ན།། རྣམ་པར་སེལ་བས་གཞལ་ཡས་ཁང་།། ཤག་གིས་ཕྱེ་ནས་སེམས་དཔའ
19a4 བླངས།། བླངས་པས་ཚོན་གང་རྒྱལ་བའི་སྐུ།། རྣམ་པར་སེལ་བ་འོད་འབར་བ།། རིགས་ཀྱི་སྙིང་པོས་བརྗོད་བྱས་པས།། ལྔ་གཉིས་བཅུ་ཞུ་དབྱིངས་སུ་ཐིམ།། སྐུར་གྱུར་རྣམ་པར་སེལ་བར་འབར།། སྣང་སྲིད་མཆོག
19a5 གསུམ་བསྒྲལ་བྱས་ཀྱང་།། བསྐུལ་བར་བྱས་པ་རྡུལ་ཙམ་མེད།། སྤང་ལེན་མེད་པར་ཐར་པའི་ལམ།། བཅིང་གྲོལ་མེད་པས་ཆོས་ཀྱི་དབྱིངས།། རང་རིག་རྣམ་པར་དག་གྱུར་ན།། སེམས་ཅན་མཆོག་ཆེན་བསད་པས
19a6 ནི།། རྣམ་པར་མི་གྲོལ་ཀུན་འགོག་པ།། རྣམ་པར་སྣང་མཛད་ཁོ་ནར་འགྱུར།། ཡེ་ནས་སེམས་ཅན་ཀུན་དག་པའི།། རྒྱུན་གྱི་ཏིང་འཛིན་ལྡན་གྱུར་ན།། མཆོག་ཆེན་མཆོག་ཆེན་ཀུན་བསད་པ།། ཡུམ་གྱི་མཁའ་ལ་བདེ
iiif viewer powered by OpenSeadragon
