| e-texts navigator |
| Wylie |
18b1 པར་སེལ།། འཇིག་རྟེན་འདི་ལ་འབྱུང་ངོ་ཞེས།། བླང་དོར་བྲོད་པ་མཆོག་ཏུ་བསྐྱོད།། དེ་ཡང་བླ་མེད་བྱང་ཆུབ་ཀྱི།། མིང་ཚིག་བསམ་གཏན་ལས་འདས་ཏེ།། ཡང་དག་སངས་རྒྱས་ལམ་རིང་པས།། དེ་ལ་གནས་པར
18b2 མི་བྱའོ།། མིང་ཙམ་ཚིག་གིས་འཛིན་པ་ནི།། སྔགས་ཀྱི་ཚུལ་ནི་མི་འབྱུང་སྟེ།། མ་སྐྱེས་པ་ཡི་ཆོས་འདི་ནི།། ངོ་བོ་ཉིད་ཀྱི་ཁྱད་པར་ཅན།། མི་དམིགས་རྣམ་པར་མི་རྟོག་ལས།། ཡེ་ཤེས་སངས་རྒྱས་རབ་ཏུ
18b3 འབྱུང་།། སངས་རྒྱས་མི་འབྱུང་ཆོས་ཀྱང་མེད།། དགེ་འདུན་མི་འབྱུང་བསྒྲུབ་ཏུ་མེད།། ཆགས་དང་མ་ཆགས་ཚིག་གི་ལམ།། དབུ་མ་བཞིན་ཏེ་བྲག་ཆ་འདྲ།། བདེ་དང་སྡུག་བསྔལ་རྒྱུ་མཐུན་ཞེས།། འགྲོ་བའི་མགོན་པོ
18b4 སེམས་དཔས་གསུངས།། བདེ་བ་ཆེན་པོའི་རྒྱུད་ལས། གསང་བའི་མན་ངག་མདོ་སྡེ་ལ་སོགས་པའི་ལྟ་བ་ལ་མི་གནས་ཏེ། ལམ་རིམ་པར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདས་ཀུན
18b5 ཏུ་བཟང་པོ་ཐམས་ཅད་སྒྲོལ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། མཆོག་དང་མཆོག་ཕྲན་བསྒྲལ་བའི་ཞིང་།། དབང་ཕྱུག་བུམ་སྣ་ལ་སོགས་དང་།། བླ་མེད་སྤོང
18b6 ཞིང་བླ་མ་ལ།། སྨོད་པ་ལ་སོགས་བསྒྲལ་བའི་ཞིང་།། གསང་སྔགས་འཛིན་པའི་སྐུར་བསྒོམ་སྟེ།། ལྟེ་བ་བརྩིབས་བཅས་ལྟེར་བསམ་ལ།། ལག་གཉིས་རྩེ་མོ་ལྔ་གཉིས་ལ།། ཉི་མ་གཡས་ལ་ཟླ་བ་གཡོན།། རིན
iiif viewer powered by OpenSeadragon
