| e-texts navigator |
| Wylie |
18a1 སེམས་མེད་པ།། དེས་ཀྱང་ཆོས་དབྱིངས་དམ་པ་ནི།། སྐྱེ་མེད་མ་བཅོས་ཤེས་རབ་ཀློང་།། དུས་གསུམ་མཆོག་གསུམ་སྐུ་གསུམ་དང་།། ཡེ་ཤེས་བྷ་གར་གཏིང་འགག་པའི།། མཆོག་གི་སྙིང་པོ་ཕྲེང་ལྡན
18a2 གྱིས།། ཀུན་འབྱུང་ཡེ་ཤེས་རྒྱལ་པོ་ནི།། མཐོང་མིན་སྙམ་དུ་རུང་བ་མིན།། ལོག་རྟོག་མཚན་མ་ཐམས་ཅད་ལ།། འདུ་ཤེས་མཚན་མ་མི་འབྱུང་ཞིང་།། རྩེ་གཅིག་དོན་ལ་མི་གཡེང་བར།། ཆ་མཉམ་ཀུན་མཉམ་ཞིང
18a3 མཉམ་ན།། ཞི་གནས་ཚུལ་ནི་དེ་ན་ཡོད།། སྣ་ཚོགས་འཁོར་བའི་རང་བཞིན་ལ།། གཅིག་དང་དུ་མ་མེད་ཤེས་ཏེ།། གཅིག་མེད་དུ་མ་མི་བསྒྲུབ་པར།། གཅིག་ལ་དུ་མ་ཡོད་བྱས་ནས།། རྟག་ཆད་མུ་གཉིས་བསལ་བའི
18a4 ཕྱིར།། བདེན་པ་གཉིས་ཀྱི་གཞུང་བཀོད་ནས།། གྲུབ་མཐའ་ཀུན་རྫོབ་སོ་སོ་ཡིས།། ངོ་བོ་ཉིད་ཀྱིས་གྲུབ་མཐའ་འཛིན།། ཆོས་རྣམས་སྒྱུ་མར་ཡིད་ཆེས་ཤིང་།། ཡེ་ཤེས་ཕྲེང་ཐོགས་ཀུན་ལྡན་པ།། ས་དང་ཕ་རོལ་ཕྱིན
18a5 ལ་གནས།། བསམ་དུ་མེད་པའི་དོན་དེ་ལ།། རྒྱལ་བས་བསམ་དུ་མེད་པའི་ཕྱིར།། ཡོན་ཏན་ཆེན་པོའི་བསམ་གཏན་ནི།། བསམ་གཏན་ཉིད་ལས་བསམ་དུ་མེད།། མ་བསམས་མ་སྦྱངས་ཆོས་བཞིན་དུ།། ཕྲ་བའི་སྒོ།
18a6 མོར་མིང་བཏགས་ཤིང་།། སེམས་ཀྱི་དབེན་པས་ལམ་ཚོལ་ཞིང་།། དགོན་པའི་རྒྱུད་དུ་དབེན་འཛིན་ཏེ།། བརྟགས་ན་རྣམ་པར་རྟོག་འགྱུར་བསྒོམ།། རྒྱུ་དང་འབྲས་བུར་མིང་བཏགས་ཤིང་།། དགེ་སྡིག་གཉིས་ཀ་རྣམ
iiif viewer powered by OpenSeadragon
