| e-texts navigator |
| Wylie |
182b1 སེམས།། མཐོ་རིས་ངན་སོང་ང་ཡི་སེམས།། སེམས་ཀྱི་སངས་རྒྱས་ཀུན་བཟང་ལ།། སྤྲུལ་པ་ཕྱོགས་བཅུ་སངས་རྒྱས་ཉོན།། ང་ལ་ང་བསྟན་རྒྱུ་མེད་ན།། འཛིན་རྟོག་ཆོས་འདི་སུ་ཡི་ཆོས།། བདག་ལ་ཕྱོགས་དང་རིས
182b2 མེད་ན།། ཕྱི་དང་ནང་འདི་སུ་ཡི་ཆོས།། དོན་ལ་རྒྱུ་འབྲས་ཡོངས་མེད་ན།། བཟང་དང་ངན་པ་སུ་ཡི་ཆོས།། བཅོས་པ་མེད་པའི་སེམས་མེད་ན། ཁ་དོག་ལྔ་པོ་གང་ནས་འབྱུང་།། བཟང་ངན་ཆེ་ཆུང་སུ་ལས་བྱུང་།། ཚོར
182b3 བ་བདེ་སྡུག་གང་གིས་སྨྲས།། ཕྱོགས་དང་ས་མཚམས་སུ་ལ་ཡོད།། འཁྲུལ་པའི་སེམས་འདི་ཡོངས་རེ་འཁྲུལ།། རྨོངས་པའི་བློ་ཡི་ཡོངས་རེ་འཁྲུལ།། རྟོག་པའི་བློ་འདི་ཡོངས་རེ་ཉེན།། ཇི་ལྟར་སྣང་བའི་ཆོས་རྣམས
182b4 ལ།། བདག་གི་སེམས་ཀྱིས་དབང་བསྒྱུར་ནས།། བདག་པས་དྲག་པ་གང་ན་ཡོད།། སངས་རྒྱས་སེམས་ཅན་སེམས་ཡིན་ན།། སེམས་པས་ཆེ་བ་གང་ན་ཡོད།། འཛིན་རྟོག་འདས་པའི་ཆོས་ཉིད་ནི།། སེམས་ཀྱི་ཆེ་བ
182b5 དེ་ལ་ཡོད།། སྤང་ལེན་མེད་པའི་འབྲས་བུ་ནི།། སེམས་ཀྱི་ཆེ་བ་ཡེ་གནས་ལ།། འདི་ལ་རྒྱུ་ཡིས་བཙལ་མེད་པ།། འདི་ལ་རྒྱུ་འབྲས་སྦྱང་དུ་མེད།། ནམ་མཁའ་བཞིན་དུ་ཡེ་གསལ་ལ།། འཛིན་རྟོག་བཅོས་པའི་རྒྱུ་ཅི
182b6 ཡོད།། ཆོས་དང་སངས་རྒྱས་འཚོལ་འདོད་ན།། སེམས་ཀྱི་ཆེ་བ་འདི་ལ་བཙལ།། ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སེམས་ཡེ་ནས་ཆེ་བའི་ལེའུ་སྟེ་བདུན་པའོ།། །། དེ་ནས་ཆོས་ཉིད་ཡེ
iiif viewer powered by OpenSeadragon
