| e-texts navigator |
| Wylie |
180b1 ལེན་མེད་པ་ནི།། བླང་དོར་མེད་པས་ཕྲིན་ལས་བཟང་།། ཕྲིན་ལས་ཀུན་ཏུ་བཟང་པོ་ཡིན།། ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ཕྲིན་ལས་ཀུན་ཏུ་བཟང་པོའི་ལེའུ་སྟེ་གསུམ་པའོ།། །། དེ་ནས
180b2 དམ་ཚིག་ཀུན་ཏུ་བཟང་པོ་འདི་བཀའ་སྩལ་ཏོ།། ང་དང་བདག་དང་ཕྱོགས་དང་རིས།། མི་མཐུན་སྐྱོན་གྱི་བྱེ་བྲག་ཀྱང་།། ཀུན་ཏུ་བཟང་པོར་དབྱེར་མེད་པ།། ལེགས་ཉེས་རྟོག་པས་བསྲུང་དུ་མེད།། མཐའ་དབུས་མེད
180b3 པའི་ཀློང་བརྡལ་བས།། ཆོས་ཉིད་ཀུན་ཏུ་བཟང་པོ་ལ།། མཉམ་པའི་ཀློང་ལས་འགྱུར་བ་མེད།། འཐབ་རྩོད་མ་བསྐྱེད་འཆལ་པ་ཡིན།། ཆགས་པའི་བདེ་དང་ཉོན་མོངས་དགྲ།། གཉིས་སུ་མེད་དེ་རང་གི།
180b4 སེམས།། སེམས་ཀྱིས་སེམས་ལ་དགྲར་མེད་ལ།། བདག་ཉིད་སངས་རྒྱས་གཅིག་པུ་ཁྱོད།། བདེན་པའི་ལྷ་དང་བར་གཅོད་བདུད།། གཉིས་སུ་མེད་དེ་རྟོག་ལས་འདས།། རེས་སུ་བཙལ་ཡང་མི་རྙེད་པས།། ལྷུན
180b5 གྱིས་གྲུབ་པའི་དམ་ཚིག་ཡིན།། ཀུན་ཏུ་བཟང་པོ་བྱང་ཆུབ་སེམས།། མི་འགྱུར་འདའ་བ་མེད་པ་ལ།། མ་ཡེངས་ཕྱོགས་རིས་མེད་སྲུང་བ།། དམ་ཚིག་ཀུན་ཏུ་བཟང་པོ་ཡིན།། ཀུན་ཏུ་བཟང་པོ་ཆེ་བ་ལ་རང་གནས་པའི
180b6 རྒྱུད་ལས། དམ་ཚིག་ཀུན་ཏུ་བཟང་པོའི་ལེའུ་སྟེ་བཞི་པའོ།། །། དེ་ནས་རང་བཞིན་ཀུན་ཏུ་བཟང་པོ་འདི་གསུངས་སོ།། སེམས་ཀྱི་ཆོས་ཉིད་རང་བཞིན་འདི།། མ་སྐྱེས་ཡེ་ནས་སངས་རྒྱས་ཏེ།། ཀུན་ལ་བརྡལ
iiif viewer powered by OpenSeadragon
