| e-texts navigator |
| Wylie |
180a1 ཡིན།། འདོད་སྤྱོད་ཡོན་ཏན་རྣམ་པ་ལྔ།། ཐབས་དང་ཤེས་རབ་ལ་སོགས་ཀྱང་།། སྤྱད་ན་སྐྱེ་མེད་རྟོགས་པ་གསལ།། མ་སྤྱད་ན་ཡང་ཉེས་མེད་རྫོགས།། ཡོད་མེད་རྟག་ཆད་ཐམས་ཅད་ནི།། མ་སྐྱེས
180a2 རང་བཞིན་ངང་ལ་མེད།། བདེ་དང་སྡུག་བསྔལ་གཉིས་འཛིན་པ།། ཐ་དད་མེད་དེ་བྱང་ཆུབ་སེམས།། མྱ་ངན་འདས་དང་འཁོར་བའི་ཆོས།། སྐྱོན་དང་ཡོན་ཏན་ཐམས་ཅད་ནི།། བཅིང་གྲོལ་མེད་པར་གང་སྤྱོད
180a3 པ།། སྤྱོད་པ་ཀུན་ཏུ་བཟང་པོའོ།། ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སྤྱོད་པ་ཀུན་ཏུ་བཟང་པོའི་ལེའུ་སྟེ་གཉིས་པའོ།། །། དེ་ནས་ཕྲིན་ལས་ཀུན་ཏུ་བཟང་པོ་འདི་གསུངས་སོ།། ཀུན་རྫོབ
180a4 དངོས་པོར་སྣང་བ་ཡིན།། སྣོད་བཅུད་རྫས་སུ་སྣང་བ་ཀུན།། ཆོས་ཉིད་མ་སྐྱེས་རང་བཞིན་ལ།། མིང་དང་ཚིག་ཏུ་བཏགས་པས་འགལ།། ཅིར་སྣང་ཀུན་ཏུ་བཟང་པོ་ལ།། དེ་གཉིས་སེམས་སུ་རོལ་པ་ཡིས།། ཇི་ལྟར
180a5 མཛེས་པ་འགལ་བ་མེད།། ཕྲིན་ལས་བྱ་བཙལ་མེད་པའོ།། དགེ་བ་དང་ནི་སྡིག་པའི་ལས།། ལས་ཀྱི་བྱེ་བྲག་ཐམས་ཅད་ལ།། སེམས་ཡིན་གཉིས་མེད་ལྷུན་གྲུབ་པས།། བྱང་ཆུབ་སེམས་ཀྱི་ཕྲིན་ལས་པ།། རྟོག་དང
180a6 མི་རྟོག་ལས་འདས་པ།། སངས་རྒྱས་མཛད་དང་ཁྱད་པར་ཆེ།། ཅིར་ཡང་མེད་ལ་ཅིར་སྤྱོད་པ།། བདེ་བ་ཆེན་པོའི་མཛད་སྤྱོད་ཡིན།། ཀུན་གཞི་མ་བྱུང་མ་སྐྱེས་པ།། སྦྱོར་སྒྲོལ་ལ་སོགས་ཅིར་སྤྱད་པ།། གང་ཡང་སྤང
iiif viewer powered by OpenSeadragon
