| e-texts navigator |
| Wylie |
17b1 དོ།། འཁོར་བ་མྱང་ངན་འདས་པ་གཉིས།། ཅི་ལའང་མི་རྟོག་མི་གནས་ཏེ།། རྣལ་འབྱོར་བསྐུར་དེ་འཇུག་པ་ཡིས།། མི་རྟོག་པ་ལའང་མི་བསམ་ཕྱིར།། སོ་སོར་རྟོག་པའི་ཤེས་རབ་ཀྱིས།། དམ་པའི་དོན་ཉིད་བདེན
17b2 པའི་ལམ།། སྨྲ་བསམ་ཡུལ་ལས་འདས་པ་ལ།། རྒྱུ་དང་རྐྱེན་ལས་བྱུང་མ་བྱུང་།། རང་གི་ངོ་བོས་མཉམ་དཔྱད་པས།། ཐམས་ཅད་ངོ་བོ་ཉིད་ཀྱིས་ཞི།། ཕ་རོལ་ཕྱིན་བཅུ་ཡེ་ཤེས་གཅིག། སྒྱུ་མ་རྨི་ལམ་ལ་སོགས
17b3 པའི།། བག་ཆགས་གློ་བུར་སྤྲིན་ཚུལ་དུ།། མེད་ལས་ཡོད་བརྟགས་ཡོད་ནས་མེད།། ཞི་བའི་ཡེ་ཤེས་བྱིང་རྨུགས་ཀྱིས།། ཏིང་འཛིན་རོ་ལ་ཆགས་གནས་པ།། ཉན་ཐོས་འགོག་པར་ལྷུང་བར་འགྱུར།། བསྒོམ་མོ་སྙམ
17b4 པའི་བློ་བྱུང་ནས།། སྟོང་ཉིད་སྒྲོ་མེད་ཞི་གནས་ལ།། འདུ་ཤེས་མེད་པར་མཉམ་བཞག་ལ།། ཡིད་ཀྱི་རྣམ་རྟོག་མི་རྟག་པས།། ཐ་མལ་འདུ་ཤེས་སྤངས་ཙམ་ལས།། མཉམ་རྟོག་མཉམ་པར་སྦྱར་བ་མིན།། ཡེ་ཤེས་སྙིང
17b5 པོའི་ས་ཉིད་ལ།། དུས་རིངས་སྦྱར་ནས་འགྲུབ་ཏུ་རུང་།། བྱུང་ཚོར་རྗེས་སུ་སེམས་གཏོང་ཞིང་།། ཏིང་འཛིན་རོ་ལ་ཆགས་གྱུར་ན།། རྟག་ཆད་མུ་གཉིས་མཐའ་མི་སེལ།། མ་རབས་བུས་པ་མཐའ་མའི་སེམས།། འདུ
17b6 ཤེས་མེད་པའི་ཁྲོད་དུ་སྐྱེ།། རེ་དོགས་སེམས་ལ་མི་གནས་པར།། ཡང་དག་དམིགས་མེད་དོན་བསྒོམ་སྟེ།། ཅི་ལའང་མི་སེམས་མི་དམིགས་ཤིང་།། གང་ཡང་མི་འཆོས་མཉམ་གཞག་ནས།། རྡུལ་ཙམ་འཛིན་པའི
iiif viewer powered by OpenSeadragon
