| e-texts navigator |
| Wylie |
17a1 གང་གནས་པ།། སངས་རྒྱས་རིག་པས་བསྙེན་པ་ཡིན།། སངས་རྒྱས་རིག་པ་དབྱེར་མེད་པར།། བླ་མེད་མ་ལ་མཉམ་གནས་པ།། བསྒྲུབ་པའི་དམ་པ་སྔགས་ཀྱི་ཚིག། དེ་ནི་སྒྲུབ་པ་ཆེན་པོའོ།། བསྙེན་པ
17a2 རྣམ་པ་བཞི་པོ་ཡང་།། གཅིག་ལ་བཞི་བཞིར་དབྱེ་བར་བྱ།། རྣམ་པར་དག་པའི་དཀྱིལ་འཁོར་དུ།། དབྱེ་བ་མེད་པས་བསྙེན་པའི་མཆོག། ལྷུན་གྱིས་རྫོགས་པས་ཉེ་བསྙེན་པོ།། ཐམས་ཅད་སྦྱར་བ་བསྒྲུབ་པ་ཆེ།། བླང
17a3 དོར་མེད་པས་བསྒྲུབ་པའི་མཆོག། འདི་ནི་བརྟུལ་ཞུགས་དྲག་ཤུལ་གྱིས།། གནས་སུ་བྱ་བའི་གཞི་མེད་དེ།། ཨ་དང་པར་ནི་རྣམ་ལྡན་ནི།། སྒྱུ་མའི་བདེ་བ་འབྱུང་བར་འདོད།། དེ་ཡང་འཛིན་པའི་སྐྱོན་ཡིན་པས།། རང
17a4 བཞིན་གཅིག་ཏུ་མ་ངེས་པས།། ཇི་ལྟར་བལྟས་པ་དེར་སྣང་སྟེ།། སྣང་འདོད་རྩོལ་སེམས་བདེ་བ་དང་།། བསྙེན་བསྒྲུབ་ལ་སོགས་དཀྱིལ་འཁོར་ཡང་།། དེ་ནི་དེར་སྒྲིབ་སྐྱོན་ཆེན་ཡིན།། བྱང་ཆུབ་ཡན་ལག་ཀུན་གྱི
17a5 སྒོ།། ཆ་ལུགས་བསྒོམ་པས་ཆུ་ཟླ་བཞིན།། མ་ཆགས་མ་གོས་འབྱུང་འགྱུར་ཡང་།། བསྒོམས་པས་བྱིས་པའི་སྤྱོད་ཡུལ་འདྲ།། བདེ་བ་ཆེན་པོའི་རྒྱུད་ལས། གསང་བའི་མན་ངག་བསྙེན་བསྒྲུབ་རྣམ་པ་བཞིའི་དབྱེ་བ
17a6 གོལ་སར་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོ་མི་གནས་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་ཆེད་དུ་བརྗོད
iiif viewer powered by OpenSeadragon
