| e-texts navigator |
| Wylie |
179b1 བཞིན་ལ།། རྒྱུ་དང་འབྲས་བུར་བརྟགས་པས་གོལ།། ཡེ་ནས་གཉིས་མེད་བྱང་ཆུབ་ལ།། དོན་དེ་གཉིས་ནི་བཙལ་དུ་མེད།། སངས་རྒྱས་སེམས་ཅན་ལ་སོགས་པ།། ཐམས་ཅད་སེམས་ལས་གཞན་མ་ཡིན།། བདེ་ཆེན
179b2 ཉིད་ཡིན་བཅོས་སུ་མེད།། མ་བཙལ་མ་བསྒྲུབས་ཡེ་ནས་དག། རྒྱུ་ཉིད་དག་པའི་སངས་རྒྱས་ལ།། སྐྱེ་ཤི་མེད་པ་སུས་ཤེས་པ།། ལྟ་བ་ཀུན་ཏུ་བཟང་པོ་ཡིན།། ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ལྟ།
179b3 བ་ཀུན་ཏུ་བཟང་པོའི་ལེའུ་སྟེ་དང་པོའོ།། །། དེ་ནས་སྤྱོད་པ་ཀུན་ཏུ་བཟང་པོ་འདི་གསུངས་སོ།། བྱང་ཆུབ་སེམས་ཀྱི་རང་བཞིན་འདི།། ཕྱི་དང་ནང་དུ་བཟུང་བས་ནོར།། རྒྱུ་དང་འབྲས་བུར་བརྟགས་པས
179b4 འཁོར།། ལོངས་སྤྱོད་ཐར་པ་བདེ་བ་མེད།། ཆགས་དང་མ་ཆགས་ལ་སོགས་པ།། བདེ་དང་སྡུག་བསྔལ་གཉིས་མེད་པས།། གཅིག་སྟེ་ཕྱོགས་རིས་མེད་པ་ལ།། དེ་བཞིན་གང་སྤྱོད་བདེ་བ་ཆེ།། མཚན་ཉིད་འདུ་བྱེད
179b5 ཕྱོགས་ཆ་ལ།། ཡོད་མེད་ཆགས་པས་འཆིང་བའི་རྒྱུ།། བྱར་མེད་ལྷུན་རྫོགས་འབྲས་བུ་ཉིད།། གོ་བའི་ངང་ལས་བདེ་བ་ཆེ།། འཇིག་རྟེན་འཁོར་བའི་ཆོས་ཅན་ལ།། རྟག་ཆད་མཚན་མར་བརྟགས་པས་ནོར།། དེ་ཉིད
179b6 བདག་མེད་གཞན་མེད་པར།། གཉིས་མེད་སྤྱད་པས་བདེ་བ་ཆེ།། དགེ་དང་མི་དགེ་ལས་རྣམས་ཀུན།། མ་ཆགས་གཉིས་མེད་ཐབས་ཀྱིས་སྤྱོད།། གང་ལ་རོལ་པས་ཡོན་ཏན་སྣང་།། རྒྱུ་རྐྱེན་རྟེན་འབྲེལ་ལྟོས་པ
iiif viewer powered by OpenSeadragon
