| e-texts navigator |
| Wylie |
179a1 དང་། ཆེ་བ་བཅུ་དྲུག་དང་། རང་གནས་ཆེན་པོ་དགུར་བཀའ་སྩལ་ཏོ།། དེ་ལ་ཀུན་ཏུ་བཟང་པོ་མན་ངག་གི་རྒུད་འདི་རྟོགས་པར་འདོད་པ་རྣམས་ཀྱིས། ངེས་པར་ཀུན་ཏུ་བཟང་པོ་ལྔ་པོ་འདི་ཡིད་ལ
179a2 ཟུང་ཞིག། དེ་ལ་ཀུན་ཏུ་བཟང་པོ་ལྔ་གང་ཞེ་ན། ལྟ་བ་ཀུན་ཏུ་བཟང་པོ་དང་། སྤྱོད་པ་ཀུན་ཏུ་བཟང་པོ་དང་། ཕྲིན་ལས་ཀུན་ཏུ་བཟང་པོ་དང་། དམ་ཚིག་ཀུན་ཏུ་བཟང་པོ་དང་། རང་བཞིན་ཀུན་ཏུ་བཟང་པོ་དང
179a3 ལྔའོ།། དེ་ལ་ལྟ་བ་ཀུན་ཏུ་བཟང་པོ་འདི་བཀའ་སྩལ་ཏོ།། ཐམས་ཅད་ཀུན་ཏུ་བཟང་པོ་ལ།། འཁོར་བའི་ཆོས་དང་མྱ་ངན་འདས།། རྣམ་རྟོག་ཉིད་ཀྱང་ཡེ་ཤེས་པས།། ལོག་རྟོག་ཞེ་སྡང་ག་ལ་ཡོད།། ཕྱོགས་རིས་མེད
179a4 པ་ཆོས་ཉིད་ཀློང་།། ཕྱི་ནང་གཉིས་མེད་ཡེ་ཤེས་དང་།། བཟང་ངན་ཆེ་ཆུང་མེད་པར་མཉམ།། སྐྱེ་ཤི་འགྱུར་མེད་བྱང་ཆུབ་སེམས།། འཁོར་བའི་ལོག་རྟོག་མཚན་མའི་ཆོས།། མཁའ་ལ་འཇའ་ཚོན་སྣང་བཞིན
179a5 འདས།། ཨ་ཨ་རྒོད་རེ་བྲོ། གཉིས་སུ་འཛིན་པས་གོལ་བས་ན།། དབྱེར་མེད་མཉམ་པ་ཉིད་དུ་གསུངས།། ཆོས་རྣམས་ཐམས་ཅད་ཐོག་མ་ནས།། རྒྱུ་དང་རྐྱེན་གྱིས་མ་བཙལ་ཏེ།། ཡེ་ནས་ལྷུན་གྱིས་གྲུབ་པ
179a6 ལ།། བཙལ་ཞིང་བསྒྲུབ་པར་བྱ་བ་མེད།། རང་བཞིན་ཡོངས་ཀྱིས་དག་པ་ལ།། འཁོར་བ་བཙལ་ཡང་མི་རྙེད་པས།། མ་བཅོས་ཡེ་ནས་དག་པ་ལ།། མ་བཙལ་གནས་པས་སངས་རྒྱས་ཡིན།། ཀུན་ཏུ་བཟང་པོའི་རང
iiif viewer powered by OpenSeadragon
