| e-texts navigator |
| Wylie |
178b1 ཆོས་ཐམས་ཅད་ཀུན་ཏུ་བཟང་པོ་ཆེ་བའི་འཁོར་དུ་སངས་མ་རྒྱས་པ་མེད་པ་ལ། དེ་ནས་ཐམས་ཅད་ཉིད་ལས་མི་གཞན་པའི་ཀུན་ཏུ་བཟང་པོའི་འཁོར་དུ་གྱུར་པས་འདི་སྐད་དུ་ཉིད་ལ་གླེང་བསླང་ངོ་།། དེ་ནས་སྟོན
178b2 པ་ཀུན་ཏུ་བཟང་པོ་སེམས་ཀུན་ཏུ་བཟང་པོ་ལ་ཞུགས་ནས་ཆོས་ཉིད་ཀུན་ཏུ་བཟང་པོ་ལ་ལྟ་བ་ཐམས་ཅད་ཀྱི་རྒྱལ་པོ། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་འདི་བཀའ་སྩལ་ཏོ།། རྣལ་འབྱོར་གང་ཞིག
178b3 རྟོགས་འདོད་པས།། ཀུན་ཏུ་བཟང་པོའི་རྒྱུད་འདི་ཉོན།། འདི་དག་ཤེས་པར་སུ་འདོད་པ།། ངེས་པར་ལུང་འདི་བསྟན་པར་བྱའོ།། དེ་ནས་ཡང་དེ་ཉིད་ལས་མི་གཞན་པའི་འཁོར་རྣམས་ཀྱིས་གསོལ་པ། ཆོས་རྣམས
178b4 སེམས་ཀྱི་སྤྱོད་ཡུལ་ལས།། ཐམས་ཅད་སངས་རྒྱས་ཉིད་དུ་བསྟན།། ཀུན་ཏུ་བཟང་པོའི་རང་བཞིན་ལས།། རྣལ་འབྱོར་ཀུན་གྱི་དབང་ཕྱུག་ཆེ།། གསང་བའི་གསང་ཆེན་ངེས་པའི་དོན།། ཉིད་ཀྱི་ཐུགས་ལས་ཕྱུང་བ
178b5 འདི།། སྣོད་ལྡན་རྣམས་ལ་བསྟན་དུ་གསོལ།། དེ་ནས་སྟོན་པ་ཀུན་ཏུ་བཟང་པོ་ཡིས།། འཇིགས་པ་ལ་ཡང་བའི་ཆོས་སྡུག་བསྔལ་སྣ་ཚོགས་ཀྱིས་ཁ་བརྒྱུད་ནས་ཉམ་ཟག་པ་ཉིད། དགའ་སྐྱིད་ཆེན་པོ་མྱ་ངན་ལས
178b6 འདས་པའི་ཆོས་བདེ་བ་ཆེན་པོ་ལྷུན་གྱིས་གྲུབ་སྟེ་འགྱུར་བ་མེད་པའི་ཕྱིར། ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད། སངས་རྒྱས་ཐམས་ཅད་ཀྱི་དགོངས་པ་གཅིག་ཏུ་འདྲིལ་བའི་དོན། ཀུན་ཏུ་བཟང་པོ་རྣམ་ལྔ
iiif viewer powered by OpenSeadragon
