| e-texts navigator |
| Wylie |
178a1 པ་ཞེས་གྲགས་སོ།། སངས་རྒྱས་ཀྱི་ཆེ་བའོ།། འཁོར་བ་མྱ་ངན་ལས་འདས་པའི་ཆོས་ཐམས་ཅད་ལ། བཟང་ངན་དང་ཡིན་མིན་མི་འབྱེད་ཅིང་། དོན་མཉམ་པ་ཆེན་པོར་ལ་བཟླ་བའི་དུས་སུ།
178a2 འཕགས་པ་ཀུན་ཏུ་བཟང་པོ་ཞེས་གྲགས་ཏེ་ཆེ་བའོ།། ཡང་དག་པར་རྫོགས་པའི་སངས་རྒྱས་ལ། ཚད་མེད་པ་བཞི་དང་། ཕྲིན་ལས་རྣམ་པ་བཞིའི་སྒོ་ནས། ཇི་ལྟར་འཚམས་པའི་དོན་བྱེད་ནུས་པའི་སངས་རྒྱས
178a3 བྱམས་པ་བཞི་བྱུང་བས། བྱང་ཆུབ་སེམས་དཔའ་བྱམས་པ་ཀུན་གཟིགས་ཞེས་གྲགས་ཏེ་ཆེ་བའོ།། ཞེས་བྱང་ཆུབ་སེམས་རྨ་བྱ་འཇིང་བསྣོལ་མཐའི་མུན་སེལ་རྒྱུད་ལས། འབྲས་བུ་བླ་ན་མེད་པའི་ཐེག་པ་བསྟན
178a4 པའི་ནང་ནས། རྒྱུད་དག་པའི་རྡོ་རྗེ་འཆང་ཆེན་པོ་དང་། སྤྲུལ་པའི་སངས་རྒྱས་རེ་རེས་མཛད་པས། སོ་སོའི་དོན་བསྟན་ཚུལ་གྱི་ལེའུ་སྟེ་ལྔ་པའོ།། །། རྨ་བྱ་མཇིང་བསྣོལ་མཐའི་མུན་སེལ་ཅེས་བྱ་བ
178a5 རྫོགས་སོ།། ། @#།། རྒྱ་གར་སྐད་དུ། དྲྀཥྚ་སརྦ་རཱ་ཛ་ས་མན་ཏ་བྷ་དྲ་ཨད་མ་བྷཱ་ར་པ་ཏནྟྲ། བོད་སྐད་དུ། ལྟ་བ་ཐམས་ཅད་ཀྱི་རྒྱལ་པོ་ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད།
178a6 བཅོམ་ལྡན་འདས་དཔལ་ཀུན་ཏུ་བཟང་པོ་སེམས་ཀྱི་རང་བཞིན་གང་ཡིན་པ་དེ་ལ་ཕྱག་འཚལ་ལོ།། འདི་སྐད་གོ་ཞིང་རྟོགས་ནས་ཤེས་པའི་དུས་གཅིག་ན། སངས་རྒྱས་དང་སེམས་ཅན་དང་ཇི་ལྟར་སྣང་བའི
iiif viewer powered by OpenSeadragon
