| e-texts navigator |
| Wylie |
177b1 འདས་མི་མཉམ་མགོན་པོས་སངས་རྒྱས་དང་སྐུ་མི་མཉམ་པས། སྐུའི་སྤྲུལ་པ་བསམ་གྱིས་མི་ཁྱབ་པ་དང་། གསུང་མི་མཉམ་པས་གསུང་གི་སྤྲུལ་པ་བསམ་གྱིས་མི་ཁྱབ་པ་དང་། ཐུགས་མི་མཉམ་པས་ཐུགས་ཀྱི་སྤྲུལ
177b2 པ་བསམ་གྱིས་མི་ཁྱབ་པ་དང་། ཆོས་ཉིད་མི་མཉམ་པས་ཆོས་སྤྱི་ཐམས་ཅད་ལས་གྲོལ་བར་བསྟན་པ་དང་། སྟོབས་མི་མཉམ་པས་རྟོགས་པ་སྐད་ཅིག་མ་ལ་ཡེ་ཤེས་མཐར་ཕྱིན་པའོ།། ཞེས་ཞུས་ཏེ། དེ་ནས་བཅོམ
177b3 ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཞུ་བ་ཞུས་པ་དེ་ལེགས་སོ།། ཤེས་རབ་ཀྱི་མཐའ་ཆོད་པར་རྟོགས་པའི་མཐའ་མི་ཆོད་དོ།། ཤེས་རབ་ལ་ཉམ་ང་བ་དང་བག་ཚ་བ་མེད་ན། འབྲས་བུ་མཐར་ཕྱིན་པའི
177b4 ཡེ་ཤེས་སྐྱེ་བ་ལ་རག་མ་ལུས་སོ།། ཡང་དག་པར་རྫོགས་པའི་སངས་རྒྱས་ལ། ཐུགས་རྗེ་སྤྲུལ་པའི་སྐུ་ལྔ་ཤར་བའི་དུས་སུ། རང་བྱུང་གི་ཡེ་ཤེས་ཆེན་པོ་ལྔ་ཞེས་བྱ་སྟེ། སངས་རྒྱས་མར་མེ་མཛད་སྟོང་གི་གཙུག
177b5 ཕྲད་རིན་པོ་ཆེ་ཞེས་གྲགས་པས། འཛམ་བུ་གླིང་བྱེ་བ་ཕྲག་བརྒྱར་ཐུགས་རྗེ་སྤྲུལ་པའི་སྤུ་བྱེ་བ་ཕྲག་བརྒྱར་འབྱུང་བར་འགྱུར་ཏེ། རྫུ་འཕྲུལ་གྱི་སྟོབས་ཁྱད་པར་ཅན་གཞན་ལས་འཕགས་པས། འཕགས་པ་ནམ
177b6 མཁའི་སྙིང་པོ་ཞེས་གྲགས་ཏེ་ཆེ་བའོ།། ཨ་ཏི་ཡོ་ག་རྫོགས་པ་ཆེན་པོས་ཆོས་ཐམས་ཅད་ཟིལ་གྱིས་མནན་ཅིང་། བདུད་དང་མུ་སྟེགས་ཐམས་ཅད་དབང་དུ་བསྡུས་པས། འཕགས་པ་གཙུག་ཏོར་ཅན་དྲི་མ་མེད
iiif viewer powered by OpenSeadragon
