| e-texts navigator |
| Wylie |
177a1 ཆོས་ཐམས་ཅད་ཀྱི་དེ་བཞིན་ཉིད་ནི་ཤེས་བཞིན་དུ་མི་གནས་པ། ཡུལ་ལས་འདས་པ། ཡུལ་མེད་པའི་ཡུལ་སྐུ་ལས་འདས་པ། སྒྲ་མེད་པའི་སྐུ། གྲངས་ལས་འདས་པ། གྲངས་མེད་པའི་གྲངས་ཤེས
177a2 རབ་ལས་འདས་པ། ཤེས་རབ་མེད་པའི་ཤེས་རབ། ཡེ་ཤེས་ཁྱབ་གདལ་ཆེན་པོ་སྐུ་རུ་མེད་པའི་ཆོས་ཉིད། དངོས་མེད་བྱང་ཆུབ་ཆེན་པོ་རང་རིག་བྱང་ཆུབ་སྙིང་པོའི་ཚོགས། མཚོན་པ་མྱ་ངན་ལས་འདས་པ། མཚོན
177a3 དུ་མེད་དོ།། ཞེས་པའི་ཚིག་གིས་མཚོན་ཏེ། མཚོན་བྱེད་ཆོས་སུ་བཞག་ནས། སྙིང་པོ་བྱང་ཆུབ་ལ་མངོན་པར་ཞུགས་པར་གནས་སོ།། དེ་ཡང་མཚོན་བྱེད་ཀྱི་རྟོགས་པས་ཤེས་བྱ་ལས་བཞག་ནས། དེའི་སྐུ་མངོན་པར
177a4 བསྟན་པའི་དུས་སུ། རྟོགས་པའི་དོན་མངོན་སུམ་དུ་གཏན་ལ་ཕབ་ནས། ཤེས་བྱ་ལ་ཉམས་པ་མེད་པའི་རྟོགས་པ་མངོན་དུ་གྱུར་པའི་སངས་རྒྱས་ཞེས་བྱའོ།། དེ་ནས་བྱང་ཆུབ་སེམས་དཔས་དོན་ངེས་པ་རྙེད་ནས།།
177a5 བཅོམ་ལྡན་འདས་ཀྱི་ཞལ་མངོན་སུམ་གཟིགས་ཏེ། མཛད་པ་མཁྱེན་ནས་རྒྱུད་དག་པའི་རྡོ་རྗེ་འཆང་ཆེན་པོ་དང་། གཉིས་སུ་མེད་པར་མྱ་ངན་འདས་སོ།། ཞེས་བྱང་ཆུབ་སེམས་རྨ་བྱ་མཇིང་བསྣོལ་མཐའི་མུན་སེལ
177a6 གྱི་རྒྱུད་ལས། རྗེས་སུ་འཇུག་པའི་བྱང་ཆུབ་སེམས་དཔའ་རྟོགས་པ་མངོན་དུ་གྱུར་པར་བསྟན་པའི་ལེའུ་སྟེ་བཞི་པའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་ཞུས་པ། བཅོམ་ལྡན
iiif viewer powered by OpenSeadragon
