| e-texts navigator |
| Wylie |
176b1 དང་། ཕྱག་དང་ཞབས་ཀྱི་མཐིལ་རྣམས་དང་། བ་སྤུའི་བུ་ག་ནས། འོད་ཟེར་བྱེ་བ་དྲུག་སྟོང་བྱུང་ནས། དེ་བཞིན་གཤེགས་པའི་སྐུ་བསམ་གྱིས་མི་ཁྱབ་པ་འཐོན་ཏེ། སེམས་ཅན་རྣམས་ལ་ཆོས་སྟོན་ཏོ།། ཞེས་བཀའ
176b2 སྩལ་ནས། རི་མེ་རི་འབར་བའི་རྩེ་མོ་ལ་ལྷ་མོ་འོད་ཟེར་ཅན་གྱི་ཀློང་དུ་མྱ་ངན་ལས་འདས་སོ།། དེ་དང་གཉིས་སུ་མེད་པར་སངས་རྒྱས་སོ།། ཞེས་བྱང་ཆུབ་སེམས་རྨ་བྱ་མཇིང་བསྣོལ་མཐའི་མུན་སེལ་གྱི་རྒྱུད་ལས།
176b3 རྡོ་རྗེ་སེམས་དཔའ་སྔོན་དུ་གྱུར་པའི་རྟོགས་པའི་སངས་རྒྱས་པར་བསྟན་པའི་ལེའུ་སྟེ་གསུམ་པའོ།། །། དེ་ནས་རྗེས་སུ་འཇུག་པའི་བྱང་ཆུབ་སེམས་དཔའ་ཆེན་པོས། ཀྱེ་ཀྱེ། མཁྱེན་རབ་ཀྱི་བདག་པོ། དེ
176b4 ལྟར་མཁྱེན་པ་མངའ་བ། མཁྱེན་པ་གཟིགས་པ། མཁྱེན་པ་ཐབས་དང་ལྡན་པ། མཁྱེན་རབ་ཀྱི་བདག་པོ་འཇམ་དཔལ་གཞོན་ནུ་འོད་སྲུངས་ལ་ཕྱག་འཚལ་ལོ།། ཀྱེ་ཐུགས་རྗེ་ཆེན་པོ་བདག་གིས་སེམས་ཅན་གྱི་དོན
176b5 དུ། རྟོགས་པ་མངོན་དུ་གྱུར་པར་བྱ་བའི་ཐབས་བསྟན་དུ་གསོལ། ཅེས་ཞུས་སོ།། ཀྱེ་ཀྱེ་རྡོ་རྗེ་འཛིན་པ་ཉོན་ཅིག། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་དང་། སྙིང་པོ་བྱང་ཆུབ་ལ་མངོན་པར་ཞུགས
176b6 པར་གནས་སོ།། ཤེས་ཀྱང་གཞི་ཕྱི་མོ་རང་བཞིན་རྣམ་པར་དག་པ་མན་ཤེལ་གྱི་སྐུ་ལྟ་བུ། སྣ་ཚོགས་ཕྱོགས་འཛིན་མེད་པ་རང་གནས་པ། ཆོས་ཐམས་ཅད་ཀྱི་མཐའ་ལ་གནས་པ། རང་བཞིན་རྟོག་མེད་གསལ་བ།
iiif viewer powered by OpenSeadragon
