| e-texts navigator |
| Wylie |
176a1 ཅིག་དེ་ལས་མངོན་སངས་རྒྱས།། མཐོང་མ་མྱོང་བའི་ཡུལ་མཐོང་བས།། ཆོས་ཉིད་མ་དང་ཕྲད་པ་ཡིན།། ལེན་མ་མྱོང་བའི་ལུས་བླངས་པས།། ཡེ་ཤེས་རང་ས་ཟིན་པ་ཡིན།། ཤེས་མ་མྱོང་བའི་གཏམ
176a2 ཤེས་པས།། རང་དབང་མངོན་དུ་གྱུར་པ་ཡིན།། སྒྱུ་ལུས་སྒྱུ་མའི་སྐུ་ལ་ཐིམ།། སྒྲ་བསམ་བརྗོད་མེད་ཤེས་རབ་ཕ་རོལ་ཕྱིན།། རྡོ་རྗེ་ལྟ་བུའི་ཏིང་འཛིན་ཐོབ།། མི་གནས་ཡེ་ཤེས་བདག་མེད་མྱ་ངན་འདས།། འབྲས་བུ
176a3 སྐུ་གཉིས་མི་སྣང་མཐར་ཕྱིན་སྐུ།། རྟོག་འཛིན་ཆོས་ལ་མི་གནས་མྱ་ངན་འདས།། རྣམ་གྲོལ་ཟག་མེད་ཐམས་ཅད་དབྱེར་མེད་ཐིམ།། འདུ་འབྲལ་མེད་པའི་མཁའ་ཀློང་དག་པ་ནས། བདག་མེད་ཆེན་པོ་མི་འགྱུར
176a4 མི་བྲལ་བས།། བདེ་བ་ཆེན་པོ་འདུ་འབྲལ་མེད་པའི་སྐུ།། སྐུ་གསུམ་ཡོན་ཏན་མཐར་ཕྱིན་དབྱེར་མེད་རང་བཞིན་རྫོགས།། གཅིག་པུ་ལྷུན་གྲུབ་གཉིས་མེད་མཐའ་ལས་འདས།། ཞེས་གསུངས་སོ།། ཀྱེ་རྡོ་རྗེ་སེམས
176a5 དཔའ་ཉོན་ཅིག། ངས་མ་འོངས་པའི་སྔོན་རོལ་ནས། གཞི་སྣང་ཆེན་པོར་དེ་ལྟར་གནས་སོ།། རང་བྱུང་དུ་བྱུང་བའི་དུས་སུ་དེ་ལྟར་ངས་ཤེས་སོ།། མྱ་ངན་ལས་འདས་པའི་འོག་ཏུ། དེ་བཞིན་གཤེགས་པ་ཐམས་ཅད
176a6 ལ་དེ་ལྟར་སྣང་གིས། རིགས་ཀྱི་བུ་དེ་བཞིན་དུ་དེ་ལྟར་བྱོས་ཤིག། ཅེས་གདམས་ནས། དབུའི་ཐོར་གཙུག་དང་། མཛོད་སྤུའི་བུ་ག་དང་། ཤངས་ཀྱི་རླུང་སྒྲོམ་དང་། ལྗགས་ཀྱི་པད་མོ་དང་། ཐུགས་ཀྱི་དཔལ་བེའུ
iiif viewer powered by OpenSeadragon
