| e-texts navigator |
| Wylie |
175b1 རྒྱུད་ལས། རང་བྱུང་གི་ཡེ་ཤེས་ཤར་བའི་ལེའུ་སྟེ་གཉིས་པའོ།། །། མངོན་དུ་རྟོགས་པའི་སངས་རྒྱས་རང་བྱུང་གི་ཡེ་ཤེས། ཡེ་ཤེས་ཆེན་པོ་ལ་ཕྱག་འཚལ་ལོ།། དངོས་དག་དངོས་མེད་རང་བྱུང་བདེ་བ་ཆེན
175b2 པོ་འདི།། སྐྱེ་བ་མེད་པས་སྐྱེ་སྣང་ཚུལ།། སྐྱེ་སྣང་ཉིད་ནི་སྐྱེ་འགག་མེད།། འགག་མེད་རྣམ་དག་ཡེ་ཤེས་སྐུ།། དང་པོར་སྐྱེ་བར་བྱེད་པའི་གཞི།། དངོས་མེད་མི་གནས་མྱ་ངན་འདས།། སངས་རྒྱས་ཀུན་གྱི་མྱ་ངན
175b3 འདས།། སངས་རྒྱས་ཀུན་གྱི་འབྱུང་གནས་ཏེ།། རང་བྱུང་ཡེ་ཤེས་རྟོག་མེད་གསལ།། གཟུགས་སུ་མཉམ་པ་མ་འདྲེས་པས།། ནམ་མཁའི་རི་མོའི་ཚུལ་དུ་སྣང་།། སྣང་མེད་ཡེ་ཤེས་གསལ་བ་སྟེ།། བརྗོད་མེད་སྤྲོས
175b4 བྲལ་ཀློང་དུ་ཤར།། རྒྱུ་རྐྱེན་རྟོག་མེད་ཡེ་ཤེས་གསལ།། དེ་ལས་འཁྲུལ་པའི་རྐྱེན་བཞི་ཤར།། མ་རིག་བདག་ཏུ་རྟོག་པའི་བློས།། ནམ་མཁའ་སྤྲིན་གྱི་ཚུལ་བཞིན་དུ།། ཐུན་མོང་འཁྲུལ་པའི་སྣང་བ་ཤར།། སྐྱེ་བ་མེད
175b5 ལས་བཞིར་སྣང་ཚུལ།། རང་བྱུང་ཡེ་ཤེས་བདག་མེད་སྐུ། ཉི་མའི་སྙིང་པོ་བཞིན་དུ་གསལ།། པདྨ་ཁ་འབྲུའི་ཚུལ་བཞིན་དུ།། རང་བྱུང་ཡེ་ཤེས་རང་གསལ་བས།། ཐོག་མའི་སངས་རྒྱས་ཉག་གཅིག་སྐུ།། རྡོ་རྗེ་སེམས
175b6 དཔའ་སྐུ་གསུམ་རྫོགས།། ཨུ་དུམ་ཝཱ་རའི་མེ་ཏོག་ལས།། སྙིང་པོ་རང་བྱུང་གཟུགས་སྐུར་ཤར།། ཆོས་ཉིད་དག་པའི་སྣང་བ་ལ།། རང་བྱུང་གཟུགས་སྐུའི་འོད་གསལ་བ།། རྡོ་རྗེ་སེམས་དཔའ་བདག་ཉིད་ཀྱང་།། སྐད
iiif viewer powered by OpenSeadragon
