| e-texts navigator |
| Wylie |
174b1 ཤེས་ཞེས་བྱའོ།། རང་བྱུང་ཡེ་ཤེས་ཞེས་བྱ་བའི་དོན་ནི། བདེ་གཤེགས་རྒྱལ་བའི་དགོངས་པ་མཐར་ཕྱིན་པས།། རང་བྱུང་ཡེ་ཤེས་མི་རྟོག་ཆོས་ཀྱི་སྐུ།། བྱ་བྲལ་ལྷུན་རྫོགས་བདེ་བའི་ཡུལ་ལ་གནས།། མ་བཅོས་ཆོས
174b2 སྐུ་བྱང་ཆུབ་སེམས།། སྣང་མེད་བརྗོད་བྲལ་སྨྲ་བསམ་ཡུལ་ལས་འདས།། སྐྱེ་མེད་དབྱིངས་ནས་སྐྱེ་བའི་སྐུར་བསྟན་པ།། རང་བྱུང་ཡེ་ཤེས་བདག་མེད་སྙིང་པོའི་སྐུ།། རྒྱུ་དང་རྐྱེན་གྱིས་མི་གནས་མྱ་ངན་འདས།། སྙིང
174b3 པོ་ལྷུན་གྲུབ་ཤེས་རབ་རང་བྱུང་སྐུ།། ཡེ་ཤེས་ཚོགས་རྫོགས་སྦྲུལ་སྐུའི་མཐར་ཕྱིན་པ།། མཁའ་ལ་གཞའ་ཚོན་འདྲ་སྟེ་རང་བཞིན་རྣམ་པར་དག། མ་བཅོས་འགག་མེད་རིག་པའི་ཡེ་ཤེས་གསལ།། ཤེས་རབ་མཐར
174b4 ཕྱིན་ཐ་སྙད་རྣམ་པར་དག། རིག་པའི་ཁུ་བྱུག་གསུང་གི་སྒྲ་སྒྲོགས་པ།། རང་བྱུང་མ་འགགས་ཕྱོགས་བཅུར་འཕྲོ།། ཐབས་མཁས་ཐུགས་རྗེའི་སྟོབས་ཀྱི་མཁྱེན་མངའ་བ།། རྡོ་རྗེ་སེམས་དཔའ་སངས་རྒྱས་ཀུན་གྱི
174b5 དངོས།། རང་བྱུང་དབྱིངས་ཀྱི་ཕོ་བྲང་གཞལ་ཡས་ན།། ཐུགས་རྗེའི་སྦྲུལ་སྐུ་སངས་རྒྱས་རྣམ་པ་ལྔ།། བྱམས་པའི་ཆོས་སྟོན་སངས་རྒྱས་རྣམ་པ་བཞི།། རང་བཞིན་ལྷུན་གྱིས་གྲུབ་པ་སྟེ།། འགྲོ་བ་རྣམས་ལ་སྦྲུལ་སྐུར
174b6 འཐོན།། ཐུགས་ཀྱི་དཔལ་བེའུ་ཡིད་བཞིན་ཟུར་བརྒྱད་ནས། སངས་རྒྱས་བྱམས་པ་མི་མཉམ་མགོན་པོ་རང་བྱུང་སྐུ།། དབུ་ཡི་གཙུག་ཏོར་འཁོར་ལོ་རྩིབས་བརྒྱད་ནས།། སངས་རྒྱས་འཇམ་དཔལ་དྲི་མེད་སྙིང་པོ་རང
iiif viewer powered by OpenSeadragon
