| e-texts navigator |
| Wylie |
174a1 ཀློང་།། ཀུན་ཏུ་བཟང་པོ་གཙོ་བོ་སྟེ།། མི་འབྱེད་དཔྱོད་པའི་ཤེས་རབ་པ།། མི་གནས་མྱ་ངན་འདས་པའོ།། བདག་མེད་ཕྱོགས་བྲལ་མི་གནས་ཡེ་ཤེས་སྨྲ།། སྒྱུ་མ་ལྟ་བུའི་འོད་ཅེས་བྱ་སྟེ། འདུས་མ་བྱས
174a2 པས་ནམ་མཁའ་ལྟ་བུ་ཐོས་བཞིན་དུ་མི་གནས་པ་རྩོལ་བ་མེད་པར་གྲུབ་པ། རྣོ་བ་མྱུར་བ་གསེར་གྱི་ཐུར་མ་ལྟ་བུ། གསལ་བ་མི་གཡོ་བ་མར་མེ་ལྟ་བུའོ།། ཡིད་བཞིན་དུ་མི་འཇིགས་པ་འདམ་ལྟ་བུ། ཡུལ་མ་འགགས
174a3 པ། མེ་ལོང་གི་ངོས་ལ་ཉི་མ་ཤར་བ་ལྟ་བུའོ།། ཞེས་བྱང་ཆུབ་སེམས་རྨ་བྱ་མཇིང་བསྣོལ་མཐའི་མུན་སེལ་གྱི་རྒྱུད་ལས། རང་བཞིན་རྣམ་པར་དག་པའི་སྐུ་མི་གནས་པའི་ཡེ་ཤེས་ཆེན་པོ་བསྟན་པའི་ལེའུ་སྟེ་དང
174a4 པོའོ།། །། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་ཞུས་པ། ཨེ་མ་ཧོ་རང་བྱུང་བཅོམ་ལྡན་འདས་ནམ་མཁའི་མཐོངས་ནས་གསལ་བའི་ཉི་མ་ཤར་ནས། འཛམ་བུ་གླིང་ཀུན་ཏུ་བདེ་སྐྱིད་ཕུན
174a5 སུམ་ཚོགས་པ། དབྱེར་མེད་རྣམ་དག་དབྱིངས་ཀྱི་ཞིང་ཁམས་ནས།། རང་བྱུང་ཡེ་ཤེས་འགག་མེད་འོད་དུ་ཤར།། སྐུ་གཉིས་མི་སྣང་གཟུགས་སྐུའི་འོད་གསལ་བ།། དཔག་མེད་སྙིང་པོ་སྐུ་ལྔ་ཡ་མ་བརླ།། ཆོས་སྐུ་རྩལ
174a6 མ་འགགས་པས་ཅིར་ཡང་ས་ལེར་མཁྱེན།། གཞན་གྱི་མ་བྱས་རང་བྱུང་བཅོམ་ལྡན་འདས།། ཞེས་བྱའོ།། རིགས་ཀྱི་བུ་ཆོས་ཐམས་ཅད་ནི་རང་བྱུང་གི་རིག་པ་ལས་བྱུང་ཞིང་། རང་རིག་པ་ཤེས་པས་རང་རིག་པའི་ཡེ
iiif viewer powered by OpenSeadragon
