| e-texts navigator |
| Wylie |
173b1 རྒྱ་གར་སྐད་དུ། ཚིག་ཆད་བོད་སྐད་དུ། བྱང་ཆུབ་སེམས་རྨ་བྱ་མཇིང་བསྣོལ་གྱི་རྒྱུད་ལས། མཐའི་མུན་སེལ་ཆེན་པོ་ཞེས་བྱ་བ། ནམ་མཁའ་རྣམ་པར་དག་པར་བྱེད་པ། བཅོམ་ལྡན་འདས་འཇམ
173b2 དཔལ་འོད་སྲུང་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འོག་མིན་གྱི་གནས་སུ། སངས་རྒྱས་བྱེ་བ་རྣམ་པར་གཟིགས་ཞེས་བྱ་བ། མཐའ་མའི་མུན་སེལ་ཆེན་པོ
173b3 རལ་གྲི་ཁ་མངས་ལྟ་བུས། ལྟ་བ་ཡོངས་སུ་གཅོད་པར་བྱེད་པ།། སྨྲས་པ་གསང་སྔགས་འབྲས་བུ་ཐེག་པ་བླ་ན་མེད་པ་འདི་ལ། སྤྱི་དོན་ལྔས་བསྟན་ཏེ། ལེའུ་དང་པོ་རང་བཞིན་རྣམ་པར་དག་པའི་སྐུ། མི་གནས་པའི
173b4 ཡེ་ཤེས་ཆེན་པོ་བསྟན་པ་དང་། ལེའུ་གཉིས་པ་རང་བྱུང་གི་ཡེ་ཤེས་ཆེན་པོ་རང་ཤར་བར་བསྟན་པ་དང་། ལེའུ་གསུམ་པ་རྡོ་རྗེ་སེམས་དཔའ་རྟོགས་པ་མངོན་དུ་གྱུར་པར་བསྟན་པ་དང་། ལེའུ་བཞི་པ་བྱང་ཆུབ་སེམས
173b5 དཔའ་རྗེས་སུ་འཇུག་པ་བསྟན་པ་དང་། ལེའུ་ལྔ་པ་སངས་རྒྱས་ཀྱི་ཆེ་བ་བསྟན་པའོ།། སེམས་ཅན་མེད་པའི་སྔོན་རོལ་ན། འབྱུང་བ་ཆེན་པོ་ཡེ་ནས་འཕགས།། འབྱུང་བ་ཆེན་པོའི་སྔོན་རོལ་ན།། ནམ་མཁའ་ཆེན་པོ
173b6 ཡེ་ནས་འཕགས།། ནམ་མཁའ་ཆེན་པོའི་སྔོན་རོལ་ན།། ཆོས་ཉིད་རྣམ་དག་ཀློང་ཡངས་ནས།། ཆེན་པོ་ལྔ་ཉིད་རྣམ་པར་དག། ཆེན་པོ་ལྔ་ཡི་སྙིང་པོ་རུ།། ང་ཉིད་གཅིག་པུ་མངོན་དུ་བྱུང་།། ང་མེད་ང་ནི་མ་རིག་པ་ཡི།
iiif viewer powered by OpenSeadragon
